Pisalema 110:6 - Xitsonga (Bibele)

⁶ Yi ta rihisa exikarhi ka matiko: hinkwako ku ta tala mitsumbu. Yi ta faya tinhloko etikweni lerikulu ngopfu,

BIBELE Mahungu Lamanene

⁶ siku a avanyisaka matiko, ú herisa varhangeri ematlhelweni hinkwawo ya misava, kutani mintsumbu yi tala hinkwako.

Pisalema 110:6 Referans Kwoze

Pisalema 68:21

Kunene Xikwembu xi ta faya tinhloko ta valala va xona, Ni ripala leri nga ni misisi ra lava hanyaka eku dyoheni ka vona.

Nhlavutelo 19:11

Kutani ndzi vona tilo ri pfuriwile, kavaloko ku humelela hanci leyo basa, la yi khandziyeke a vitaniwa Mutshembeki ni Wantiyiso; wa avanyisa ni ku lwa hi ku lulama.

Yohane 5:22

Tatana a nga avanyisi munhu ni un'we, kambe u nyikile N'wana ku avanyisa hinkwako,

Mikiya 4:3

Yehovha u ta avanyisa matiko layo tala, a tshinya tinxaka leta matimba ta le kule. Hi mabanga ya vona va ta fula swikomu, hi mafumu ya vona va fula tihwevo, tiko rin'wana a ri nga ha pfukeli rin'wana hi tlhari, a va nga ha dyondzi nyimpi.

Esaya 2:4

Kutani Xikwembu xi ta lamula matiko, xi ta avanyisa matiko layo tala ngopfu. Hi mabanga ya vona va ta fula swikomu, hi matlhari ya vona va ta fula masikeri; tiko ri nga ka ri nga ha lwi ni rin'wana, kutani a ku nga ha dyondzisiwi ku lwa.

Nhlavutelo 14:20

Kutani xikhuvuto xi khuvuteriwa ehandle ka muti; ku huma ngati exikhuvutweni ku fikela ematon'weni ya tihanci, hi mpfhuka wa tistadiya ta 1 600.

Esaya 42:4

A nga ka a nga heri mbilu ni ku karhala, a ko a tiyisa leswo lulama emisaveni, kutani swihlale swi va swi titshembisa enawini wa yena.”

Habakuku 3:13

U humela ku ponisa tiko ra wena, ku ponisa mutotiwa wa wena! U faya xihlungwana xa yindlu ya lowo biha, u va u mbundzuxa masungulo ya yona u yi onha ku fika elwangwini.

Ezekiele 39:4

U ta wa ehenhla ka tintshava ta Israele, wena, ni mitlawa ya wena hinkwayo, ni matiko lama nga ta va na wena; ndzi ku nyikile leswaku u dyiwa hi magama, ni tinyanyana ta tinxakaxaka, ni swivandza swa nhova.

Esaya 66:24

“Kutani loko a ta huma, va ta vona mitsumbu ya vanhu lava tiariseke ka mina; hikuva xivungu xa vona xi nga ka xi nga fi, ni ndzilo wa vona wu nga ka wu nga timeki; kutani va ta nyenyetsa nyama hinkwayo.”

Esaya 51:5

Ku lulama ka mina ku kusuhi, ku ponisa ka mina ku ta humelela, kutani voko ra mina ri ta avanyisa matiko; swihlale swi ta ndzi tshemba, swi ta tshemba voko ra mina.

Esaya 42:1

“Hi loyi nandza wa mina, loyi ndzi nga ta n'wi yimela, Muhlawuriwa wanga, loyi moya wa mina wu n'wi tsakelaka. Ndzi vekile moya wa mina ehenhla ka yena, u ta dyondzisa vamatiko leswo lulama.

Esaya 11:3

U ta tsakela xichavo xa Yehovha; a nga ka a nga avanyisi hi nghohe, hambi ku ri ku avanyisa hi ku twa mhaka ya xiri.

1 SAMIELE 2:10

Valala va Yehovha va ta rhurhumela, U ta va balesela hi rihati a ri etilweni. Yehovha u ta avanyisa makumu ya misava; U ta nyika ku fuma eka hosi ya yena, U ta tlakusa rimhondzo ra Muhlawuriwa wa yena.”

Genesa 3:15

Ndzi ta veka ku vengana exikarhi ka wena ni wansati, ni xikarhi ka rixaka ra wena ni rixaka ra wansati; ri ta ku faya nhloko, wena u ri luma xirhendze.”

Pisalema 68:22

Hosi yi te: “Ndzi ta va tlherisa va pfa eBaxani; Ndzi va humesa exidziveni xa lwandle,