Pisalema 110:2 - Xitsonga (Bibele)

² Yehovha u ta tshambuluta hi le Siyoni nhonga ya matimba ya wena: “Tlhoma ku fuma ka wena exikarhi ka valala va wena!”

BIBELE Mahungu Lamanene

² HOSI Xikwembu lexi nga Siyoni a xi tiyise vuhosi bya wena xi byi kurisa. Fuma emahlweni ka valala va wena!

Pisalema 110:2 Referans Kwoze

Yeremiya 48:17

N'wina va le kusuhi na yena, hinkwenu, n'wi tweleni ku vaviseka: na n'wina hinkwenu lava tivaka vito ra yena, mi ku: ‘Yi tshovisiwile ku yini nhonga leyi ya matimba, nhonga ya vumbhurhi?’

Varhoma 1:16

Kunene a ndzi na tingana ku vula Evhangeli, hikuva i matimba ya Xikwembu ya ku ponisa mani na mani la pfumelaka, ku sungula hi Muyuda, ku yisa eka Mugriki.

1 Petro 1:12

Kutani va kombisiwile leswaku a va titirhelanga, kambe va tirhele hina, etimhakeni leti mi ti byeriweke sweswi, hi lava mi dyondziseke hi Moya lowo Kwetsima lowu rhumiweke, wu huma etilweni, ti nga timhaka leti tintsumi ti navelaka ngopfu ku ti hlometela.

1 Vatesalonika 2:13

Hikwalaho, a hi rhuteri ku khensa Xikwembu, hikuva siku mi amukeleke rito ra xona, leri mi ri yingiseke eka hina, mi ri amukerile ku nga ri kukotisa leswo nge i rito ra vanhu, kambe tanihi loko ri ri rito ra Xikwembu (hilaha kunene ri nga rona), leri tirhaka hi matimba eka n'wina lava pfumeleke.

Mikiya 4:2

Matiko layo tala ma ta ta kona, ma ku: “A hi yeni, hi tlhandlukela entshaveni ya Yehovha, endlwini ya Xikwembu xa Yakobo, a ta hi dyondzisa tindlela ta yena, kutani hi famba hi tindlela ta yena.” Hikuva nawu wu ta huma eSiyoni, ni rito ra Yehovha ri ta huma eYerusalema.

Ezekiele 47:1

Kutani a ndzi tlherisela enyangweni ya yindlu; kutani vonani! Mati a ma huma hi le hansi ka vukhandziyo bya nyangwa ya yindlu, hitlhelo ra vuxa; mati a ma xika le tlhelweni ra xinene ra yindlu, edzongeni ra alitari.

Ezekiele 19:14

Ndzilo wu humile emarhavini, wu hisile mihandzu; yi nga ha ri na marhavi lamanene lama ringanaka nhonga ya vuhosi. Hi rona rito ra nhlomulo, ri ta va rito ra nhlomulo.

Esaya 2:3

Matiko layo tala ma ta ta kona, ma ku: “Tanani, hi ta tlhandlukela entshaveni ya Yehovha, endlwini ya Xikwembu xa Yakobo; xi ta hi dyondzisa tindlela ta xona kutani hi ta famba emitileni ya xona.” Hikuva nawu wu ta huma eSiyoni, ni rito ra Yehovha ri ta huma eYerusalema.

Pisalema 72:8

Yi ta fuma ku sukela elwandle rin'wana ku ya fika eka rin'wana, Ni ku sukela enambyeni, ku ya fika emakun'wini ya misava.

Eksoda 8:5

Kutani Yehovha a ku eka Muxe: “Byela Aroni, u ku: Tlakusa voko ra wena ni nhonga ya wena emilambyeni ni le migerhweni ni le mativeni, u humesela tiko ra Egipta mitlambya.”

Mikiya 7:14

Risa hi nhonga tiko ra wena, ti nga tinyimpfu ta ndzhaka ya wena, leti tshameke ti ri toxe exihlahleni lexi nga exikarhi ka Karmele; a ti humele eBaxani ni le Giliyadi, kukotisa masiku ya khale.

Eksoda 7:19

Kutani Yehovha a ku eka Muxe: “Byela Aroni, u ku: Teka nhonga ya wena, u tlakusa voko ra wena ehenhla ka mati ya Egipta, ni le henhla ka milambu, ni le henhla ka migerho ya vona, ni le henhla ka mativa ni tidamu ta vona, kutani ma ta hundzuka ngati; ngati yi ta va kona etikweni hinkwaro ra Egipta, ni le swibyeni swo vatliwa, ni swa ribye.”