Pisalema 11:7 - Xitsonga (Bibele)

⁷ Hikuva Yehovha u lulamile, u rhandza mitirho ya ku lulama; Vanhu lava lulameke va ta hlalela nghohe ya yena.

BIBELE Mahungu Lamanene

⁷ Kambe HOSI yi rhandza mintirho leyo lulama, hikuva yona yi lulamile; lava tengeke va ta vona mombo wa yona.

Pisalema 11:7 Referans Kwoze

Nhlavutelo 22:4

va ta vona mombo wa xona; vito ra xona ri ta tsariwa emimombyeni ya vona.

Pisalema 17:15

Loko ndzi ri mina eku lulameni ka mina, ndzi ta hlalela mombo wa wena; Loko ndzi pfuka evurhongweni, ndzi ta xurha xivumbeko xa wena.

1 Petro 3:12

Hikuva mahlo ya Hosi ma languta lava lulameke, ni tindleve ta yona ti yingisela ku khongela ka vona; kambe mombo wa Hosi wu karihela lava endlaka leswo biha.”

Pisalema 45:7

U rhandza ku lulama, u venga swo biha; Hikwalaho, Xikwembu, Xikwembu xa wena Xi ku chelele hi mafurha ya ku tsaka exikarhi ka vanakuloni.

Ntirho 36:7

A xi fularheli lavo lulama, Kambe xi va veka ni tihosi exiluvelweni, Xi va tshamisisa kona hi masiku leswaku va kurisiwa.

1 Yohane 3:2

Varhandziwa, sweswi, hi vana va Xikwembu, kambe lexi hi nga ta va xona, a xi si vonaka; kambe ha swi tiva leswaku siku a humelelaka, hi ta fana na yena, hikuva hi ta n'wi vona hi xiviri xa yena.

Pisalema 42:5

Moya wanga, u hele ntamu ha yini, u tshukele yini endzeni ka mina? Tshemba Xikwembu, hikuva ndzi ta tlhela ndzi xi dzunisa; Hi xona ku hlayiseka ka mina ni Xikwembu xanga.

Pisalema 34:15

Mahlo ya Yehovha ma languta lava lulameke, Ni tindleve ta yena ti pfulekela ku huwelela ka vona.

Pisalema 33:18

Vonani, mahlo ya Yehovha ma le henhla ka lava n'wi chavaka, Ehenhla ka lava tshembaka vunene bya yena,

Pisalema 99:4

A va dzunise matimba ya Hosi leyi rhandzaka ku lulama! Hi wena la tiyisaka ku lulama, La humeseleke Yakobo ku avanyisa ni ku lulama.

Pisalema 33:5

U rhandza ku lulama ni ku tenga; Misava yi tele hi vunene bya Yehovha.

Pisalema 21:6

Hikuva u n'wi endlile wa ku kateka hi masiku, U n'wi tsakisisa hi mombo wa wena.

Pisalema 5:12

Hikuva, wena Yehovha, u katekisa la lulameke, Hi tintswalo ta wena u n'wi rhendzela swanga hi xitlhangu.

Esaya 61:8

“Hikuva mina, Yehovha, ndzi rhandza ku lulama, ndzi venga ku phanga loku endliwaka hi ku xisa; ndzi ta va nyika hi ku tshembeka hakelo ya vona, kutani ndzi ta endla na vona ntwanano lowu nga heriki.

Pisalema 146:8

Yehovha u kutsula lava khomiweke; Yehovha u hanyanyisa mahlo ya lavo fa mahlo, U olola lava korhamisiweke. Yehovha u rhandza lavo lulama.

Pisalema 7:9

Herisa lunya ra lavo homboloka, Kambe u tiyisa la lulameke, Wena la kambaka timbilu ni swisuti, oho Xikwembu xo lulama!

Pisalema 7:11

Xikwembu i muavanyisi la lulameke; I Xikwembu lexi karihelaka lavo biha hi masiku hinkwawo.

Pisalema 37:28

Hikuva Yehovha u rhandza ku lulama, A nga ka a nga tshiki lava n'wi rhandzaka, Va hlayisiwa hi masiku. Kambe vana va lavo biha va ta herisiwa.

Pisalema 45:8

Mirha, ni mhangani, ni kasiya swi le tingubyini ta wena hinkwato; Etindlwini ta ndlopfu, ku yimba ka magubu ku ku tsakisa.

Swivuriso 15:9

Ndlela ya lowo biha i manyala eka Yehovha, Kambe u rhandza la landzelaka ku lulama.