Pisalema 109:31 - Xitsonga (Bibele)

³¹ Hikuva u yime etlhelweni ra xinene ra xisiwana, Kutani a n'wi kutsula eka lava n'wi avanyisaka.

BIBELE Mahungu Lamanene

³¹ hikuva yi yima ni mupfumari ehubyeni, yi n'wi lwela eka lava va n'wi avanyisaka.

Pisalema 109:31 Referans Kwoze

Pisalema 121:5

Yehovha i muhlayisi wa wena, Yehovha i ndzhuti wa wena evokweni ra xinene ra wena.

Pisalema 16:8

Ndzi vekile Yehovha emahlweni ka mina hi masiku; Ndzi nga ka ndzi nga tsekatseki, hikuva u le tsheveni ra mina ra xinene.

Pisalema 140:12

Ndza tiva leswaku Yehovha u lamulela vaxaniseki, U lulamisela vapfumari.

Pisalema 110:5

Hosi leyi nga evokweni ra wena ra xinene, Yi hete tihosi hi siku ra vukari bya yona.

Pisalema 73:23

Hambiswiritano, ndzi na wena hi masiku, U ndzi khomile hi voko ra xinene;

Esaya 54:17

Fumu rin'wana ni rin'wana leri va ri fulaka ku ku onha, ri nga ka ri nga pfuni nchumu kambe ririmi rin'wana ni rin'wana leri nga tikurisa ku kanetana na wena, u ta ri avanyisa. Hi yona ndzhaka ya malandza ya Yehovha, ni ku lulama loku ndzi nga ta va nyika,” ku vula Yehovha.

Eklesiasta 5:8

Loko u nga vona etikweni rin'wana xisiwana xi xanisiwa, ni ku lulama ni ku avanyisa loko swi hombolokisiwa, u nga tshuki u hlamala ha swona, hikuva la tlakukeke ehenhla ka un'wana la tlakukeke u kona la langutelaka, ni Muungameri u kona la nga ehenhla ka vona.

Pisalema 72:4

Yi ta avanyisa timhaka ta swisiwana swa tiko hi ku lulama, Yi ta ponisa vana va mupfumari, Kambe yi ta phyandlasa muxanisi.

Pisalema 68:5

Tatana wa swisiwana ni muyimeri wa tinoni, Hi lexi Xikwembu xi nga xona endlwini leyo kwetsima ya xona.

Pisalema 109:16

Hikuva a nga anakanyanga ku endla hi tintswalo, Kambe u xanisile munhu wa khombo ni mupfumari, Ni wa mahlomulo, u suse vutomi bya yena.

Pisalema 10:14

Kasi wa swi vona, hikuva u languta khombo ni ku xaniseka, Kutani u swi tekela emavokweni ya wena. La nga ekhombyeni u titshembela wena, Hi wena muyimeri wa xisiwana.