Pisalema 107:2 - Xitsonga (Bibele)

² Vakutsuriwa va Yehovha, a va vurise sweswo, Lava a va poniseke emavokweni ya nala,

BIBELE Mahungu Lamanene

² A va vule sweswo, vanhu lava HOSI Xikwembu xi va kutsuleke, lava xi va humeseke ekhombyeni.

Pisalema 107:2 Referans Kwoze

Luka 1:74

ku hi nyika leswaku, loko hi ponisiwile emavokweni ya valala va hina, hi ta n'wi tirhela, hi nga chavi nchumu

Vagalatiya 3:13

Kriste u hi kutsurile eku rhukaniweni ka nawu hi ku hlayiwa la rhukaniweke ematshan'weni ya hina hikuva ku tsariwile va ku: “Ku rhukaniwe mani na mani la hayekiweke emhandzeni,”

Pisalema 106:10

A va lamulela evokweni ra loyi a va vengeke, Kutani a va lwela evokweni ra nala.

Tito 2:14

la titshikeleke hina, a ta hi kutsula eku hombolokeni hinkwako, a va a hi hlantswa ku tiendla ha hina tiko leri nga ra yena hi xiviri, leri chivirikelaka emitirhweni leyinene.

Pisalema 31:5

Ndzi nyiketa moya wa mina emavokweni ya wena; U ta ndzi kutsula, wee Yehovha, Xikwembu xa ku tshembeka!

Luka 1:68

“A ku vongiwe Hosi, Xikwembu xa Israele, hikuva xi endzele tiko ra xona, xi ri kutsurile;

Esaya 44:22

Ndzi hlangurile milandzu ya wena tanihi papa, ni swidyoho swa wena tanihi hunguva; vuyela eka mina, hikuva ndzi ku kutsurile!”

Esaya 35:9

Kona a ku na nghala, a ku na xivandzana lexi nga ta veka nenge kona, ni loko ku ri ku kumiwa kona, kambe lava kutsuriweke va ta fambafamba kona.

Esaya 43:1

Sweswi Yehovha la ku tumbuluxeke, wena Yakobo, la ku vumbeke, wena Israele u vula sweswo, a ku: “U nga chavi nchumu hikuva ndza ku kutsula, ndza ku vitana hi vito ra wena, u wa mina.

Yeremiya 15:21

“Ndzi ta tshama ndzi ku lamulela emavokweni ya lavo biha, kutani ndzi ta ku kutsula emavokweni ya tinhenha.”

Esaya 62:12

Va ta vuriwa tiko ro kwetsima, vakutsuriwa va Yehovha, kutani wena u ta thyiwa la laviwaka, muti lowu nga tshikiwiki.

Duteronoma 7:8

kambe hi leswi Yehovha a mi rhandzaka, naswona a hlayisa ku hlambanya loku a ku hlambanyeleke vatata wa n'wina; hikwalaho ka swona Yehovha a mi humeseke hi voko ra matimba, kambe u ku kutsurile endlwini ya vukhumbi, evokweni ra Faro, hosi ya Egipta.

Yeremiya 31:11

Hikuva Yehovha u kutsule Yakobo, u n'wi lamulele emavokweni ya la n'wi hlulaka hi matimba.

Duteronoma 15:15

u ta tsundzuka leswaku a wu ri khumbi eEgipta; ni leswaku Yehovha, Xikwembu xa wena, a ku kutsurile; hikwalaho ndzi ku nyikaka nawu lowo namuntlha.

Eksoda 15:16

Ku chava ni ku rhurhumela ku ta va wela ehenhla; Hi voko ra wena ra matimba Va ta hundzuka timbheveve leti fanaka ni maribye, Ku kondza tiko ra wena ri pela, oho Yehovha! Ku kondza ku pela tiko leri u ri kutsuleke.

Luka 24:21

Loko hi ri hina, a hi tshembile leswaku hi yena la nga ta kutsula Israele; hambiswiritano, namuntlha i siku ra vunharhu timhaka leti, ti humeleleke ha rona.

Esaya 63:4

Hikuva siku ra ku tirihisela a ri ri kona embilwini ya mina, kutani lembe ra vakutsuriwa va mina ri fikile.

Pisalema 130:8

Hi yena la nga ta kutsula Israele Eku dyoheni hinkwako ka yena.

Mikiya 4:10

Khuna, u twa ku vaviseka, n'wana Siyoni, kukotisa muveleki; hikuva u ta huma emutini, u ta tshama enhoveni, u ya fika ni le Babilona. Hi kona u nga ta tshunxiwa, Yehovha u ta ku kutsula emavokweni ya valala va wena.