Pisalema 107:12 - Xitsonga (Bibele)

¹² A tsongahata timbilu ta vona hi ku va vavisa, Va tikeriwa, va nga pfuniwi hi munhu.

BIBELE Mahungu Lamanene

¹² A va rhwexiwile mintirho leyo tika, va karhala va wa, va nga pfuxiwi hi munhu.

Pisalema 107:12 Referans Kwoze

Pisalema 22:11

U nga tshuki u va ekule na mina loko mahlomulo ma ri ekusuhi, Loko ndzi nga ri na loyi a ndzi pfunaka!

Eksoda 2:23

Kuteloko malembe layo tala ma hundzile, hosi ya Egipta yi fa. Loko va ri vana va Israele, a va ri karhi va rila hikwalaho ka vukhumbi bya vona; va huwelela, kutani ku huwelela ka vona hikwalaho ka vukhumbi bya vona ku fika eka Xikwembu.

Esaya 51:23

Ndzi ta wu veka evokweni ra vaxanisi va wena, ra lava nga ku byela, va te: ‘Korhama hi hundza!’ Kutani u endlile hi nhlana wa wena misava, ni ntsendzele wa lava hundzaka.”

Esaya 63:5

Ndzi langutile, kutani a ku nga ri na munhu ku ndzi pfuna; ndzi hlamarile, kambe a ku nga ri na munhu ku ndzi seketela; hilaha voko ra mina ri ndzi pfuneke, kutani vukari bya mina byi ndzi seketerile.

Esaya 52:5

Kutani sweswi, ndzi ni mhaka yihi laha,” ku vula Yehovha, “leswi tiko ra mina ri phangiweke, handle ka nandzu? Vaxanisi va yena va ba huwa,” ku vula Yehovha, “hi mikarhi hinkwayo, ni masiku hinkwawo, vito ra mina ra sandziwa!

Ntirho 9:13

“Xikwembu a xi tlherisi vukari bya xona, Lava tikurisaka va tikerisiwa ehansi ka xona.

Nehemiya 9:37

ku nona ka rona ku talele tihosi leti u ti vekeke ku hi fuma hikwalaho ka swidyoho swa hina, va ni matimba ehenhla ka hina, ni miri wa hina, ni tihomu ta hina, hinkwako, hilaha va swi rhandzaka hakona, kutani hina hi le khombyeni lerikulu!”

2 TIHOSI 6:33

Kakuloko a ha vulavula na vona, ntsumi yi ngirimela eka yena, yi ku: “Waswivo, khombo leri, ri huma eka Yehovha; xana ndza ha langutela yini eka Yehovha?”

Vaavanyisi 16:30

Samsoni a ku: “Moya wanga a wu fe ni Vafilista!” Kutani a ololoka hi matimba, yindlu yi wela ehenhla ka tihosi ni vanhu hinkwavo lava ngi va ri kona; kutani eku feni ka yena a dlaya lavo tala ku tlula lava a nga va dlaya eku hanyeni ka yena.

Pisalema 142:4

Languta eka lera xinene, u kamba! A ku na la ndzi tivaka! A ku na la ndzi hlayisaka.

Vaavanyisi 16:21

Vafilista va n'wi khoma, va n'wi xokola mahlo, va n'wi ngirimerisa eGaza, va n'wi boha kona hi timpecana timbirhi ta koporo, a sila a ri ekhotsweni.

2 TIHOSI 14:26

Hikuva Yehovha a a vonile khombo lerikulu ngopfu ra Israele, ni leswaku va herile hinkwavo, hambi va ri va matimba, hambi lavatsongo, a ku nga ri na munhu la pfunaka Israele.