Pisalema 105:11 - Xitsonga (Bibele)

¹¹ A ku: “Ndzi ta ku nyika tiko ra Kanana, Ri va ndzhaka ya n'wina.”

BIBELE Mahungu Lamanene

¹¹ Kutani xi tibohile xi ku: “Ndzi ta mi nyika tiko ra Kanana, ndzi mi avela rona ri va ra n'wina.”

Pisalema 105:11 Referans Kwoze

Genesa 15:18

Hi siku rolero, Yehovha a tiyisa ntwanano na Abrama, a ku: “Ndzi nyikile tiko leri eka vatukulu va wena, ku suka enambyeni wa Egipta, ku fikela enambyeni lowukulu, wu nga nambu wa Yufrata,

Genesa 13:15

hikuva tiko leri u ri vonaka, ndzi ta ri nyika wena ni vatukulu va wena hilaha ku nga heriki.

Pisalema 78:55

Xi hlongorisa matiko emahlweni ka vona, Xi va avanyisela ku averiwa ka ndzhaka ya vona hi pindza, Kutani xi akisa tinxaka ta Israele emitsongeni ya vona.

Genesa 28:13

A vona na Yehovha, a yimile ehenhla ka rona, a ku: “Hi mina Yehovha Xikwembu xa Abrahama, tata wa wena, ni Xikwembu xa Isaka; tiko leri u etleleke eka rona, ndzi ta ri nyika wena ni vatukulu va wena.

Genesa 12:7

Kutani Yehovha a humelela eka Abrama, a ku eka yena: “Misava leyi, ndzi ta yi nyika vatukulu va wena.” Kutani a akela kona gandzelo eka Yehovha la nga humelela eka yena.

Eksoda 6:4

Kambe ndzi tiyisile ntwanano wa mina na vona ku va nyika tiko ra Kanana, tiko ra ku luvela ka vona.