Pisalema 104:30 - Xitsonga (Bibele)

³⁰ Loko u engeta u rhuma moya wa wena Swi vuyela swi velekiwa; Kutani u sasekisa nghohe ya misava.

BIBELE Mahungu Lamanene

³⁰ Kambe loko u tlhela u swi huhutela moya, swi tumbuluka hi vuntshwa, misava u yi nyika xivumbeko lexintshwa.

Pisalema 104:30 Referans Kwoze

Ntirho 33:4

I moya wa Xikwembu lowu ndzi endleke, Ku huhutela ka Lowa matimba hinkwawo ka ndzi hanyisa.

Ezekiele 37:9

Kutani a ku eka mina: “Profetela moya, u profeta, wena, n'wana wa munhu, u ku eka moya: Ku vula Hosi Yehovha, a ku: Vuya hi timheho ta mune, wena moya, u hunga ehenhla ka vanhu lava feke lava, a va hanye kutani!”

Nhlavutelo 21:5

Kutani la tshamiseke exiluvelweni a ku: “Vonani; hinkwaswo ndzi swi endla leswintshwa.” A ku eka mina: “Tsala, hikuva marito lawa, ma tiyile, i ya ntiyiso.”

Ntirho 26:13

Ku huhutela ka xona ku xisa ehenhla. Voko ra xona ri tlhava nyoka leyi balekaka.

Tito 3:5

u hi hanyisile, ku nga ri hi mitirho leyinene leyi tirhiweke hi hina, kambe hi tintswalo ta xona, hi ku hlantswa ka ku tswariwa ra vumbirhi, ni vuntshwa bya Moya lowo Kwetsima,

Pisalema 33:6

Matilo ma endliwile hi rito ra Yehovha, Ni vandla hinkwaro ra wona hi ku hefemula ka nomu wa yena.

Esaya 65:17

“Hikuva, maswivo, ndzi vumba matilo lamantshwa, ni misava leyintshwa: timhaka ta khale a ti nga ha tsundzukiwi, ti nga ka ti nga ha tlheleri emiehleketweni.

Vaefesa 2:1

Na n'wina, a mi file emilandzwini ya n'wina ni le eku dyoheni ka n'wina,

Esaya 66:22

“Hikuva hilaha matilo lamantshwa, ni misava leyintshwa, leyi ndzi nga ta yi tumbuluxa, swi ta tshama swi va kona, emahlweni ka mina,” ku vula Yehovha, “hi sweswo rixaka ra n'wina, ni vito ra n'wina swi ta tshama swi va kona.

Ntirho 12:10

Loyi mimoya ya leswi hanyaka hinkwaswo yi nga evokweni ra yena, Ni ku hefemula ka vanhu hinkwavo.

Ezekiele 37:5

Hosi Yehovha yi ku eka marhambu lawa: Ndzi ta nghenisa eka n'wina moya, mi ta hanya.

Ezekiele 37:6

Ndzi ta mi nyika misiha, ndzi mirisa tinyama ehenhla ka n'wina, ni ku mi funengeta hi nhlonge, kutani ndzi ta nghenisa eka n'wina moya, mi ta hanya, hilaha mi nga ta tiva leswaku hi mina Yehovha.”