Pisalema 104:2 - Xitsonga (Bibele)

² U tifunengete hi ku vonakala kukotisa nkumba, U andlale matilo kukotisa tende.

BIBELE Mahungu Lamanene

² Ku vonakala i xifunengelo xa wena; u vambile matilo ku fana ni tende.

Pisalema 104:2 Referans Kwoze

Esaya 40:22

Hi yena la tshameke empfhukeni, ehenhla ka xirhendzevutana xa misava, kutani vaaki va yona va fana ni tinjiya. U andlala matilo tanihi nguvu leyo vevuka, u ma andlala tanihi tende a ma endla vuako bya yena.

Daniele 7:9

“Ndzo languta ku fikela swiluvelo swi ko swi vekiwa, kutani Nkulukumba wa masiku a tshamisa. Xifunengelo xa yena a xi basile kukotisa gamboko, ni misisi ya yena yi basile kukotisa voya bya nyimpfu leyi hlantswiweke. Xiluvelo xa yena a xi fana ni malangavi ya ndzilo ni masondzo ya xona ma ri tanihi ndzilo lowu pfurhaka.

Esaya 45:12

Hi mina la endleke misava, la vumbeke munhu ehenhla ka yona. Hi mina ndzi endleke matilo hi mavoko ya mina; hi mina loyi ndzi fumaka nyimpi ya wona hinkwayo.

1 Yohane 1:5

Mhaka leyi hi nga yi twa eka yena, leyi hi mi byelaka yona, hileswaku Xikwembu i ku vonakala, kutani a ku na munyama eka xona, nikutsongo.

1 Timotiya 6:16

a nga yena a ri swakwe la nga riki wa ku fa, la tiakeleke eku vonakaleni laha ku nga tshineleriwiki, loyi ku nga riki na munhu exikarhi ka vanhu la n'wi voneke ni la nga n'wi vonaka; loyi ku chaviwa ni matimba lama nga heriki swi nga eka yena. Amen!

Matewu 17:2

Kutani a hundzuka emahlweni ka vona; mombo wa yena wu kwetsima kukotisa dyambu; na tona tinguvu ta yena ti hundzuka leto basa, ti vangama.

Zakariya 12:1

Vuprofeta bya rito ra Yehovha ehenhla ka Israele: Ku vurile Yehovha la andlaleke matilo, la vangeke misava, la vumbeke moya wa munhu eka yena:

Ntirho 9:8

Hi yena ntsena la anekaka matilo, A famba emitsungeni ya lwandle.

Ntirho 36:30

Vona, xi haxa ku vonakala emahlweni ka xona, Kutani xi tifunengeta hi swidziva swa malwandle.

Habakuku 3:4

Ku humelela ku kwetsima loku ngi i ka dyambu; miseve ya ku vonakala yi pfa eka yena; hilaha matimba ya yena ma fihliweke kona.