Pisalema 104:17 - Xitsonga (Bibele)

¹⁷ Tinyanyana ti tiakela swisaka kona. Ntsavila wu tshama exikarhi ka tikipresi;

BIBELE Mahungu Lamanene

¹⁷ Tinyanyana ti aka swisaka swa tona eka yona, magumba ma phatsama ehenhla ka yona.

Pisalema 104:17 Referans Kwoze

Pisalema 104:12

Tinyanyana ta tilo ta tiakela xisaka emabuweni ya yona, Ti twakarisa miloti ya tona emarhavini ya mirhi.

Levhitika 11:19

ntsavila, ni tinxaka hinkwato ta nyakukolwe, ni nghondho ni mangadyana.

Matewu 13:32

Kunene yi ri yona leyitsongo eka timbewu hinkwato kambe loko yi mirile, yi tlula matsavu hinkwawo, yi hundzuka murhi lowukulu, kutani tinyanyana ta le henhla ti ta aka emarhavini ya wona.”

Obadiya 1:4

Ni loko u nga aka yindlu ya wena eku tlakukeni, ku fana ni gama, ni loko u nga tiveka exikarhi ka tinyeleti, na kona, ndzi ta ku xikisa, ku vula Yehovha.

Daniele 4:21

lowu matluka ya wona ma sasekeke, ni mihandzu ya wona yi teleke, lowu hinkwavo va kumaka swakudya eka wona, lowu endlelaka swiharhi swa nhova ndzhuti, ni tinyanyana ta le tilweni ti akelaka emarhavini ya wona,

Ezekiele 31:6

Tinyanyana hinkwato ta tilo ti akela emarhavini ya wona, ni swiharhi hinkwaswo swa tiko swi tswalela ehansi ka matluka ya wona, ni le hansi ka ndzhuti wa wona ku ake matiko layo tala, lamakulu.

Yeremiya 22:23

Wena, muaki wa Lebanoni, la akeke emarhavini ya tikedari, u ta kolorisa ku yini, siku khombo ri ku humelelaka, ri ri khombo leri fanaka ni ra muveleki!”

Yeremiya 8:7

Hambi ri ri gumba, ri tiva mikarhi ya rona empfhukeni, ni tuva, ni mbewulana, ni ntsavila, swi tiva nkarhi wa ku tlhela ka swona; kambe tiko ra mina, a ri tivi ku lulama ka Yehovha.