Pisalema 103:22 - Xitsonga (Bibele)

²² Khensani Yehovha, n'wina mitirho hinkwayo ya yena, Ematlhelweni ya ku fuma ka yena hinkwawo! Moya wanga, khensa Yehovha!

BIBELE Mahungu Lamanene

²² Nkhensani HOSI Xikwembu n'wina mintirho ya xona hinkwayo, etindhawini hinkwato leti nga hansi ka mfumo wa xona. Na mina ndzi lava ku nkhensa HOSI ndzi vuyelela.

Pisalema 103:22 Referans Kwoze

Pisalema 145:10

Yehovha, mitirho ya wena hinkwayo ya ku dzunisa, Ni lava ku rhandzaka va ku vonga!

Esaya 49:13

N'wina matilo, huwelelani hi ku tsaka! Wena misava, pfuka u tsakisisa! N'wina tintshava, banani mikulungwana! Hikuva Yehovha u chavelerile tiko ra yena, u twerile va yena lava rilaka vusiwana.

Pisalema 150:6

Leswi hefemulaka hinkwaswo a swi dzunise Yehovha. Dzunisani Yehovha!

Esaya 44:23

N'wina matiko, huwelelani hi ku tsaka hikuva Yehovha u tirhile! Swivandla swa misava leswi enteke, huwelelani! N'wina tintshava ni swihlahla, swin'we ni mirhi hinkwayo ya n'wina, banani mikulungwana, hikuva Yehovha u kutsurile Yakobo, wa tidzunisa eka Israele!

Esaya 43:20

Swiharhi swa nhova swi ta ndzi dzunisa, vahlati ni tiyimbhu, hikuva ndzi ta va ndzi vekile mati emananga; ni milambu enhoveni, ku nwisa tiko ra mina, a nga muhlawuriwa wa mina.

Pisalema 146:1

Dzunisani Yehovha! Moya wanga, dzunisa Yehovha!

Pisalema 104:35

Vadyohi a va lovele emisaveni, Lavo biha a va nga ha vi kona! Moya wanga, khensa Yehovha! Dzunisani Yehovha!

Pisalema 104:1

Moya wanga, khensa Yehovha! Yehovha, Xikwembu xa mina, u nkulukumba ngopfu! U funengele ku kwetsima ni ku saseka!

Pisalema 103:1

Moya wanga, khensa Yehovha! Na swona hinkwaswo leswi nga eka mina A swi khense vito ra ku kwetsima ka yena!

Pisalema 145:21

Nomu wa mina a wu bumabumele Yehovha, Kutani swivumbiwa hinkwaswo a swi vonge vito ra yena leri hlawuriweke, Hi masiku ni masiku lama nga heriki!

Pisalema 148:1

Dzunisani Yehovha! Dzunisani Yehovha ematilweni, n'wi dzuniseni ehenhla ka mpfhuka!