Pisalema 103:20 - Xitsonga (Bibele)

²⁰ Khensani Yehovha, n'wina tintsumi ta yena, Leti tiyeke matimba, leti endlaka swileriso swa yena, Hi ku yingisa mpfumawulo wa rito ra yena!

BIBELE Mahungu Lamanene

²⁰ Nkhensani HOSI Xikwembu n'wina tintsumi ta xona, n'wina tinhenha ta matimba leti yingisaka rito ra xona ti hanya ha rona.

Pisalema 103:20 Referans Kwoze

Vaheveru 1:14

Xana hinkwato a hi mimoya leyi tirhaka xana, leyi rhumiweke entirhweni, yi rhumeriwa lava nga ta fuwa ndzhaka ya ku hlayiseka xana?

Pisalema 148:2

N'wi dzuniseni, n'wina tintsumi ta yena hinkwato! N'wi dzuniseni, mavandla ya yena hinkwawo!

Luka 1:19

Ntsumi yi n'wi hlamula, yi ku: “Hi mina Gabriele la yimaka emahlweni ka Xikwembu; ndzi rhumiwile ku ta vulavula na wena ni ku ku byela timhaka toleto letinene.

Matewu 26:53

Xana u ehleketa leswaku ndzi nga tsandzeka ku khongela Tatana sweswi, a ta ndzi nyika mavandla ya tintsumi ya khume na mambirhi ni lama tlurisaka?

2 TIHOSI 19:35

Hi vusiku byebyo, ntsumi ya Yehovha yi huma, yi dlaya vavanuna va 185 000 emixaxeni ya Vaaxuru; nimixo kuteloko va pfukile, maswivo va file hinkwavo.

Pisalema 78:25

Hinkwavo va dyile swakudya swa tihosi, Xi va rhumele swakudya va kondza va xurha.

Matewu 6:10

a ku te ku fuma ka wena; ku rhandza ka wena a ku endliwe emisaveni swa nga hi le tilweni.

Yuwele 2:11

Kutani Yehovha a pfumisa rito ra yena emahlweni ka vandla ra yena, hikuva magovela ya yena hi lamakulu ngopfu, ni muheti wa rito ra yena u ni matimba; hikuva siku ra Yehovha hi lerikulu, ra chavisa, i mani la nga ri tiyelaka?

Pisalema 29:1

N'wina vana va Xikwembu, nyikani Yehovha, Nyikani Yehovha ku kwetsima ni xichavo,

Esaya 6:2

Kutani tiserafi a ti yimile ehenhla ka yena yin'wana ni yin'wana a yi ri ni timpapa ta ntlhanu na yin'we: ha timbirhi ti funengeta mimombo, ha timbirhi ti funengeta milenge, ha timbirhi tin'wanyana a ti haha ha tona.

Pisalema 148:5

Hinkwaswo sweswo a swi dzunise vito ra Yehovha! Hikuva u lerisile, kutani swi va kona.

Daniele 11:1

Loko ndzi ri mina, hi lembe lero sungula ra ku fuma ka Dariyosi wa Mumeda, a ndzi ri eka yena ku n'wi yimela ni ku n'wi tiyisa.