Pisalema 102:21 - Xitsonga (Bibele)

²¹ Leswaku va ta twarisa vito ra Yehovha le Siyoni, Ni ku dzuna ka yena le Yerusalema,

BIBELE Mahungu Lamanene

²¹ Hikokwalaho vito ra xona ri ta twarisiwa eSiyoni, va ta ri dzunisa emutini wa Yerusalema,

Pisalema 102:21 Referans Kwoze

Pisalema 22:22

Ndzi ta vula vito ra wena eka vamakwerhu; Ndzi ta ku twarisa exikarhi ka nhlengeletano.

1 Petro 2:9

Kambe loko mi ri n'wina, mi rixaka leri hlawuriweke, mi vaprista va Hosi, mi tiko lero kwetsima, tiko leri xaviweke, leswaku mi twarisa matimba ya la mi vitaneke ku huma emunyameni, mi ya nghena eku vonakaleni ka yena loku hlamarisaka;

Vaefesa 3:21

eka yena a ku ve ku kwetsima eKerekeni leyi nga eka Yesu Kriste, etinxakeni hinkwato hi mikarhi ni mikarhi. Amen!

Esaya 51:11

Vakutsuriwa va Yehovha va ta tlhela va nghena eSiyoni hi tinsimu ta ku tsaka; ku tsaka loku nga heriki ku ta va etinhlokweni ta vona, ku tsaka ni ku tsakisisa swi ta tshama na vona; ku vaviseka ni mikosi swi ta va balekela.

Pisalema 79:13

Kutani hina, tiko ra wena, ntlhambi lowu u wu risaka, Hi ta ku khensa hi laha ku nga heriki, Ni vatukulu va hina, va ta tama va vula ku dzuneka ka wena.

Eksoda 3:16

Famba, u ya hlengeleta vakulukumba va Israele, u ku eka vona: ‘Yehovha, Xikwembu xa vatata wa n'wina, Xikwembu xa Abrahama, ni xa Isaka, ni xa Yakobo, xi tikombisile eka mina,’ xi ku: ‘Ndzi mi kambile kunene; ndzi vonile leswi mi endliwaka swona eEgipta,’

Eksoda 3:17

kutani ndzi ku: ‘Ndzi ta mi kutsula enhlomulweni wa n'wina wa Egipta, ndzi mi akisa etikweni ra Vakanana ni ra Vahiti, ni ra Vaamori, ni ra Vaperesi, ni ra Vahivhi, ni ra Vayebusi, etikweni ra ntswamba ni vulombe.’

Pisalema 79:11

Ku talelwa ka mbilu ya vakhomiwa a ku fike emahlweni ka wena, U hlayisa lava averiweke ku fa, hi matimba ya voko ra wena!