Pisalema 102:19 - Xitsonga (Bibele)

¹⁹ Hikuva Yehovha u languta, a ri exivandleni lexo tlakuka xa vukwetsimelo bya yena, Ematilweni ya le henhla, u languta misava,

BIBELE Mahungu Lamanene

¹⁹ Xi langutile ehansi xi ri exivandleni xa xona lexo hlawuleka, xi vonile misava xi ri ematilweni,

Pisalema 102:19 Referans Kwoze

Duteronoma 26:15

Languta u ri etilweni, endlwini leyo kwetsima ya wena, u katekisa tiko ra wena ra Israele, ni misava leyi u hi nyikeke yona, u yi endla misava leyi khulukaka ntswamba ni vulombe, hilaha u hlambanyeke hakona eka vatata wa hina.’

Pisalema 14:2

Yehovha u langutile vana va vanhu a ri etilweni, A ta vona xana u kona la nga ni ku twisisa, La lavaka Xikwembu.

Ntirho 22:12

“Xana Xikwembu a xi tlakukangi kukota tilo xana? Languta ku tlakuka ka tinyeleti ti tlakukile swonghasi!

2 TIKRONIKA 16:9

Hikuva mahlo ya Yehovha ma fambafamba emisaveni hinkwayo ku tiyisa lava nga va yena hi timbilu hinkwato ta vona. U endlile hi vuhunguki emhakeni leyi, hikuva ku sungula sweswi, u ta va ni tinyimpi.”

1 TIHOSI 8:43

Wena, yingisa u ri ematilweni, laha u akeke kona, u tirha, u nyika muluveri loyi, hinkwaswo leswi a nga ta swi kombela eka wena, leswaku matiko hinkwawo ya misava ma tiva vito ra wena, ma ku chava kukotisa tiko ra wena ra Israele, ma ta tiva leswaku vito ra wena ri khongeriwa eNdlwini leyi ndzi yi akeke.

1 TIHOSI 8:39

Wena, yingisa u ri ematilweni laha u akeke kona, u rivalela, u tirha! U nyika un'wana ni un'wana hi tindlela hinkwato ta yena, wena la tivaka mbilu ya yena, hikuva hi wena, wena ntsena, la tivaka timbilu ta vana hinkwavo va vanhu,

Esaya 43:21

Tiko leri ndzi tiendleleke rona ri ta vula ku dzuneka ka mina.