Pisalema 100:4 - Xitsonga (Bibele)

⁴ Nghenani etinyangweni ta yena hi mikhenso, Ni le makupakupeni ya yena hi tinsimu; N'wi dzuniseni, mi vonga vito ra yena!

BIBELE Mahungu Lamanene

⁴ Nghenani eTempeleni ya xona mi ri karhi mi nkhensa, mi nghena eswivaveni swa xona mi ri karhi mi yimbelela. Xi dzuniseni mi tlangela vito ra xona.

Pisalema 100:4 Referans Kwoze

Vaheveru 13:15

Hikwalaho, a hi humeseni hi masiku eka Xikwembu ha Yesu, magandzelo ya ku dzunisa, yi nga mihandzu ya milomu leyi vulaka vito ra yena.

1 TIKRONIKA 29:13

Oho! Xikwembu xa hina! Sweswi ha ku vonga, hi dzunisa vito ra wena leri kwetsimaka.

Pisalema 66:13

Ndzi ta nghena endlwini ya wena hi tiholokosta, Ndzi ku rihela leswi ndzi ku hlambanyeleke,

Esaya 35:10

Lava kutsuriweke hi Yehovha va ta tlhela va ya Siyoni hi tinsimu ta ku tsaka, va vehele etinhlokweni ku tsaka loku nga heriki; ku kateka ni ku tsaka swi ta va hlanganisa, ku vaviseka ni nhlomulo wa mbilu swi ta baleka.

Pisalema 96:2

Yimbelelani Yehovha, mi dzunisa vito ra yena, Vulani siku rin'wana ni rin'wana ku hlayiseka ka yena!

1 TIKRONIKA 29:20

Davhida a ku eka nhlengeletano hinkwayo: “Dzunisani Yehovha, Xikwembu xa n'wina!” Kutani nhlengeletano hinkwayo yi dzunisa Yehovha, Xikwembu xa vatata wa vona, va korhama, va khinsama emahlweni ka Yehovha ni le mahlweni ka hosi.

Pisalema 65:1

Oho Xikwembu! U ta dzunisiwa hi ku rhula eSiyoni, Ku hlambanya ku ta hetisiwa eka wena.

Pisalema 95:2

A hi tikombeni emahlweni ka yena hi ku vonga, Hi n'wi dzunisa hi tinsimu.

Pisalema 96:8

Nyikani ka Yehovha ku kwetsima loku fanelaka vito ra yena, Tisani magandzelo, mi nghena erikupakupeni ra yena,

Pisalema 99:3

A va dzunise vito ra wena lerikulu leri chavisaka, Hikuva ri hlawulekile!

Pisalema 122:2

Milenge ya mina yi yimile Etinyangweni ta wena, Yerusalema,

Pisalema 122:4

Laha tinxaka ta Yehovha ti tlhandlukelaka kona Hi nawu wa Israele, ku dzunisa vito ra Yehovha.