Obadiya 1:20 - Xitsonga (Bibele)

²⁰ Va huvo yoleyo ya vana va Israele lava yisiweke evukhumbini va ta fuma tiko ra Vakanana ku fika eSarepta; va Yerusalema, lava yisiweke evukhumbini eSafarada, va ta fuma miti leyi nge tlhelo ra dzonga.

BIBELE Mahungu Lamanene

²⁰ Vuthu ra Vaisraele lava yisiweke evukhumbini ri ta teka tiko ra Vakanana ku ya fika emutini wa Sarepta. Lava sukeke eYerusalema va yisiwa evukhumbini le Safarada, va ta teka miti leyi nga dzongeni.

Obadiya 1:20 Referans Kwoze

Luka 4:26

kambe Eliya a nga rhumiwanga eka un'wana loko ku nga ri eka wansati wa noni wa Sarepta, etikweni ra Sidoni.

Yeremiya 33:13

Emitini ya le ntshaveni, ni le mitini ya mananga, ni le mitini ya tlhelo ra dzonga, ni le tikweni ra Benjamini, ni le matlhelweni ya Yerusalema, ni le mitini ya Yuda, ka ha ta hundza mitlhambi ehansi ka voko ra loyi a yi hlayaka, ku vula Yehovha.

Yeremiya 32:44

Masimu ma ta xaviwa hi mali, va ta tsala matsalwa ya nxavo, va ma tiyisa, va teka timbhoni, etikweni ra Benjamini ni le matlhelweni ya Yerusalema, ni le mitini ya Yuda, ni le mitini ya le ntshaveni, ni le mitini ya le rivaleni, ni le mitini ya tlhelo ra n'walungu; hikuva ndzi ta vuyisela lava khomiweke va vona, ku vula Yehovha.”

Yeremiya 33:26

na kona ndzi ta tshika vatukulu va Yakobo ni va Davhida, nandza wa mina ndzi nga ha tshuki ndzi teka evaneni va yena la nga ta fuma vatukulu va Abrahama, ni va Israele, ni va Yakobo; hikuva ndzi ta vuyisa vakhomiwa va vona, ndzi va tsetselela.”

Yeremiya 13:19

Miti ya tlhelo ra dzonga yi pfariwile, kutani a ku na la nga yi pfulaka; va Yuda hinkwavo va yisiwile evukhumbini, va yisiwile hinkwavo eku bohiweni.

Yeremiya 3:18

“ ‘Emikarhini yoleyo, yindlu ya Yuda yi ta famba ni yindlu ya Israele va ta huma swin'we etikweni ra n'walungu, ku ya etikweni leri ndzi ri fumiseke vatata wa n'wina.

Ezekiele 36:12

Ndzi ta tisa ehenhla ka n'wina vanhu, ri nga tiko ra mina ra Israele va ta ku fuma, u va ndzhaka ya vona u nga ka u nga ha va heti.