Obadiya 1:19 - Xitsonga (Bibele)

¹⁹ Va tlhelo ra dzonga va ta fuma ntshava ya Esawu, va le rivaleni va fuma tiko ra Vafilista; va ta fuma ni tiko ra Efrayimi ni tiko ra Samariya Benjamini, yena, a fuma Giliyadi.

BIBELE Mahungu Lamanene

¹⁹ Vanhu lava tshamaka edzongeni ra tiko ra Yuda va ta teka tiko ra va ka Esawu; lava nga vupeladyambu, va ta teka tiko ra Vafilista; va ta teka tiko ra va ka Efrayimi ni ra Samariya; va ka Benjamini vona va ta teka ra Giliyadi.

Obadiya 1:19 Referans Kwoze

Amosi 9:12

va ta fuma leswi saleke swa Edomu, ni matiko hinkwawo lama nga ta vitaniwa hi vito ra mina,” ku vula Yehovha, yena la nga ta endla sweswo.

Yeremiya 32:44

Masimu ma ta xaviwa hi mali, va ta tsala matsalwa ya nxavo, va ma tiyisa, va teka timbhoni, etikweni ra Benjamini ni le matlhelweni ya Yerusalema, ni le mitini ya Yuda, ni le mitini ya le ntshaveni, ni le mitini ya le rivaleni, ni le mitini ya tlhelo ra n'walungu; hikuva ndzi ta vuyisela lava khomiweke va vona, ku vula Yehovha.”

Ezekiele 36:28

Mi ta aka etikweni leri ndzi nga ri nyika vatata wa n'wina, mi va tiko ra mina, na mina ndzi va Xikwembu xa n'wina.

Mikiya 7:14

Risa hi nhonga tiko ra wena, ti nga tinyimpfu ta ndzhaka ya wena, leti tshameke ti ri toxe exihlahleni lexi nga exikarhi ka Karmele; a ti humele eBaxani ni le Giliyadi, kukotisa masiku ya khale.

Amosi 1:13

Yehovha u ri: “Hikwalaho ka milandzu minharhu, kumbe ya mune ya vana va Amoni — ndzi nga ka ndzi nga hundzuki, hikuva va handzule makhwiri ya vavasati lava tikeke va Giliyadi leswaku va kurisa tiko ra vona,

Amosi 1:8

Ndzi ta herisa lava akeke eAxidodo, ni la tamelaka nhonga ya vuhosi le Axikeloni. Ndzi ta tlhela ndzi tshambuluta voko ra mina ehenhla ka Ekroni, kutani Vafilista lava seleke va ta hela,” ku vula Yehovha Xikwembu.

Ezekiele 25:16

hikwalaho, Hosi Yehovha u ri: Vonani, ndzi ta tshalambutela Vafilista voko ra mina, ndzi tsema Vakereti, ndzi lovisa lava seleke eribuwini ra lwandle.

Yeremiya 49:1

Ku vula Yehovha: “Xana Israele a nga na vana, xana a nga na mudyandzhaka xana? Milikomo u dyela yini ndzhaka ya Gadi, ni tiko ra yena ri akise ku yini emitini ya yena?

Pisalema 69:35

Hikuva Yehovha u ta ponisa Siyoni u ta aka miti ya Yuda; Va ta tshama kona, va fuma tiko.

Ezra 4:17

Kutani hosi yi rhuma ku hlamula, yi ku eka Rehumi, muleteri, ni ka Ximixayi, mutsari, ni ka vanakulobye van'wana lava akeke eSamariya, ni ka van'wana ehase ka nambu: “Ku tsaka a ku ve kona ...

Ezra 4:2

va tshinelela Zerubabele ni tihosana ta vatata wa vona, va ku: “A hi akeni na n'wina, hikuva na hina hi lava Xikwembu xa n'wina kukotisa n'wina, kutani ha xi humesela gandzelo mpfhuka Esari-Hadoni, hosi ya Asiriya, a hi tlhandlukiseke halenu.”

1 TIKRONIKA 5:26

Xikwembu xa Israele xi kucetela moya wa Pulu, hosi ya Asiriya, ni moya wa Tiglata-Pilezere hosi ya Asiriya, kutani a yisa evukhumbini va Rhuveni, ni va Gadi ni va hafu ya nyimba ya Manase, a va yisa eHala na le Habori na le Hara, ni le nambyeni wa Gozana, laha va akeke kona ku fika namuntlha.

2 TIHOSI 17:24

Hosi ya Asiriya yi tisa vanhu va Babilona, ni va Kuta, ni va Avha, ni va Hamata, ni va Sefari-Vhayimi, yi va akisa emitini ya Samariya ematshan'weni ya vana va Israele, kutani va fuma tiko ra Samariya, va aka emitini ya rona.

Yoxuwa 15:33

Erivaleni: Exitawulu, Sora, Axina;

Yoxuwa 15:21

Miti leyi akiweke edzongeni, emakun'wini ya nyimba ya vana va Yuda, ekusuhi ni ndzilakana wa Edomu hi leyi:

Yoxuwa 13:31

Ni hafu ya Giliyadi, na Axitaroto, na Edreyi, yi nga miti ya tiko ra Ogo eBaxani, yi nyikiwile vana va Makiri, n'wana Manase, ku ri ka hafu ya vana va Makiri, hi tindlu ta vona.

Yoxuwa 13:25

Tiko ra vona a ku ri Yazere, ni miti hinkwayo ya Giliyadi, ni hafu ya tiko ra vana va Amoni, ku fika eArowere lowu langutanaka na Rhaba,

Tinhlayo 1:32

Vana va Yosefa: vana va Efrayimi, vatukulu va vona hi tindlu ta vona, ni tinyimba ta vona, loko va hlaya mavito ya vavanuna hinkwato lava hlomaka, ku sungula hi va malembe ya 20, ni lava tlulaka;