Obadiya 1:12 - Xitsonga (Bibele)

¹² Kambe wena u nga languti siku ra makwenu, siku ra khombo ra yena u nga tsakeli ku hela ka vana va Yuda hi siku ra ku hela ka vona; u nga ahlamisi nomu wa wena hi ku tikukumuxa hi siku ra ku xanisiwa.

BIBELE Mahungu Lamanene

¹² Naswona a mi nga fanelanga ku tsaka, siku vamakwenu va weleke ekhombyeni; siku va ka Yuda va herisiweke, a mi nga fanelanga ku ba minkulungwana; a mi nga fanelanga ku tibumabuma, loko va ri emaxangwini.

Obadiya 1:12 Referans Kwoze

Mikiya 4:11

Sweswi matiko layo tala ma ku hlengeletanele, ma ku: “U sandziwile, mahlo ya hina ma ta vona khombo ra Siyoni!”

Ezekiele 35:15

Kukotisa loko u tsakele rifu ra yindlu ya Israele, hilaha ingi ri onhake hakona, ndzi ta ku endla sweswo; u ta va mananga wena ntshava ya Seyira, ni tiko ra Edomu hinkwaro; va ta tiva leswaku hi mina Yehovha.

Swivuriso 17:5

La hlekaka xisiwana u sola la n'wi vumbeke, Ni la tsakelaka makhombo ya van'wana a nga ka a nga poni eku biweni.

1 SAMIELE 2:3

Mi nga ha tarisi marito ya n'wina ya ku tikurisa; Ku tikukumuxa ku nga ha humi emilon'wini ya n'wina; Hikuva Yehovha i Xikwembu lexi nga ni vutivi, Hi yena la ringanisaka maendlelo ya vanhu.

2 Petro 2:18

Hikuva hi ku vulavula timhaka ta manyunyu, ni ta hava, va rhiya hi ku navela ka nyama ni manyala, vanhu lava ha ku fularhelaka lava hanyaka eku hungukeni.

Yuda 1:16

I vanhu va ku n'unun'uta, lava vilelaka hi masiku, va ya hi ku navela ka vona; milomu ya vona yi vulavula manyunyu, va ri karhi va hlamala nghohe ya vanhu ku ta pfuniwa.

Pisalema 37:13

Kambe hosi ya n'wi hleka, Hikuva yi vona leswaku siku ra yena ri kusuhi.

Pisalema 31:18

Milomu leyi hembaka, a yi hundzuke ya mbheveve, Leyi sandzaka la lulameke, Leyi vulavulaka hi ku tikukumuxa ni ku sola!

Pisalema 22:17

Ndzi nga hlaya marhambu ya mina hinkwawo. Vona va ndzi langutisa va khorwisa mahlo ya vona ha mina;

Ntirho 31:29

“Loko ndzi tsakele ku onhaka ka nala wa mina, Ndzi khanerile siku khombo ri n'wi weleke ehenhla;

Nhlavutelo 13:5

Kutani xi nyikiwa nomu lowu tidzunisaka hi leswikulu, lowu sandzaka; xi nyikiwa ni matimba ya ku tirha hi tin'hweti ta mune wa makume na timbirhi.

Yakobo 3:5

Hi mukhuva wolowo, na rona ririmi, i xirho lexitsongo, kambe ri tidzunisa ngopfu. Vonani ndzilo lowutsongo, wu nga hisa tihunyi leto tala swonghasi!

Luka 19:41

Kuteloko a tshinerile, a vona muti a wu rilela; a ku:

Swirilo 4:21

Tsaka, u tsakisisa, nhwanyana wa Edomu, La akeke etikweni ra Usi! Xinwelo xi ta fika ni le ka wena; Na wena u ta pyopya, u va u hluvula tinguvu.

Esaya 37:24

Hi tintsumi ta wena, u monyile Hosi u ku: Hi vunyingi bya tigolonyi ta mina, ndzi khandziyile enhlohlorhini ya tintshava ndzi fikile laha ku tlakukeke ka Lebanoni; ndzi ta tsema mirhi ya kedari leyikulu, ni mirhi leyo saseka ya kipresi. Ndzi ta fika enhlohlorhini ya yena ya ku hetelela exihlahleni xa yena lexo saseka ngopfu!

Pisalema 92:11

Mahlo ya mina ma ta tsakela ku vona valala va mina, Ni tindleve ta mina ku yingisa lava ndzi pfukelaka.

Pisalema 59:10

Xikwembu xanga xi ta ta ndzi hlanganisa hi tintswalo ta xona, Xi ta tsakisa mahlo ya mina eku biweni ka valala va mina.

Pisalema 54:7

Hikuva ri ndzi tshunxile emahlomulweni ya mina hinkwawo; Kutani mahlo ya mina ma tsaka hi ku vona valala va mina.

Ntirho 18:20

Tinxaka leti nga ta ta ti ta hlamala eku onhakeni ka yena, Rixaka ra sweswi ri khomiwa hi ku rhurhumela.

Pisalema 35:15

Kambe loko ndzi lava ku wa, va tsaka, va hlengeletana; Va hlengeletana ku ndzi sola, ndzi nga swi tivi; Va nga rhuteli ku ndzi handzula.

Swirilo 2:16

Lava ku vengaka hinkwavo va ku ahlamisele milomu ya vona, Va ba miloti, va getserisa meno, Va ku: “Hi n'wi mitile; Kunene, hi rona siku leri hi ri languteleke, hi ri kumile, hi ri vonile.”

Ezekiele 35:12

U ta swi tiva wena leswaku mina ndzi Yehovha, ni leswaku ndzi twe swionho hinkwaswo swa wena leswi wena u swi vulavuleke etintshaveni ta Israele, loko u te: ‘Ti hundzuke mananga, ti nyikiwe hina leswaku swi va swakudya swa hina.’

Ezekiele 36:5

hikwalaho ka swona, ku vula Hosi Yehovha, a ku: Kunenenene endzilweni wa vukwele bya mina ndzi vulavula, ndzi wumeta lava seleke va matiko, na vona Vaedomu hinkwavo, lava tiaveleke tiko ra mina ku ri hlasela va heta, va ri ni timbilu leti tsakeke, ni ku tsan'wa emimoyeni ya vona.