Ntirho 9:6 - Xitsonga (Bibele)

⁶ U tsekatsekisa misava emasungulweni ya yona, Timhandze ta yona ta dzedzemela.

BIBELE Mahungu Lamanene

⁶ Xi tsekatsekisa misava, laha yi nga kona, xi tlula-tlurisa ni tiphuphu ta yona.

Ntirho 9:6 Referans Kwoze

Vaheveru 12:26

loyi rito ra yena ri nga tsekatsekisa misava khale, kutani sweswi, wa hi tshembisa, a ku: “Hi nkarhi wun'wana ndza ha ta tsekatsekisa, yi nga ri misava ntsena, kambe na rona tilo.”

Hagayi 2:6

Hikuva Yehovha wa mavandla u vulavula, a ku: Ndza ha ta tsekatsekisa kan'we, enkarhini lowu nga ekusuhana, tilo ni misava, ni lwandle ni tiko leri omeke.

Esaya 2:21

loko va balekela emabakweni ya tintshava ni le tinfeni ta maribye, emahlweni ka Xikwembu lexi chavisaka ni vukulukumba bya xona lebyi vangamaka loko xi ta yima ku ta chavisa misava.

Pisalema 75:3

Misava yi tsekatseka ni hinkwavo lava akeke eka yona, Mina ndza tiyisa timhandze ta yona.

Esaya 2:19

Kutani vanhu va ta balekela emabakweni ya tintshava ni le miceleni ya misava, hi ku chava Yehovha ni vukulukumba bya yena lebyi vangamaka, loko a ta yima ku ta chavisa misava.

Ntirho 26:11

Timhandze ta le tilweni ta tsekatseka, Ti khindlimuka hi ku holoveriwa ka xona.

Hagayi 2:21

“Vulavula eka Zerubabele, mufumi wa Yuda, u ku: ‘Ndzi ta tsekatsekisa tilo ni misava, ndzi mbundzuxa swiluvelo swa vuhosi,

Pisalema 114:7

Wena, misava, rhurhumela emahlweni ka Hosi! Emahlweni ka Xikwembu xa Yakobo,

Nhlavutelo 20:11

Kutani ndzi vona xiluvelo lexikulu lexo basa ni loyi a tshamiseke eka xona. Tilo ni misava swi baleka emahlweni ka mombo wa yena, kutani xivandla xa swona xi nga ha vonaki.

Yuwele 2:10

Emahlweni ka vona, misava ya rhurhumela, matilo ma tsekatseka, dyambu ni n'weti swi hundzuka munyama, ni tinyeleti ta timeka.

Yeremiya 4:24

Ndzi languta tintshava, vonani, ta rhurhumela, ni switsunga hinkwaswo swa tsekatseka.

Esaya 24:1

Vonani, Yehovha u ta onha tiko ri hundzuka mananga; u ta onha nghohe ya rona, a hangalasa vaaki va rona.

1 SAMIELE 2:8

Wa pfuxa mupfumari ethyakeni, Ku va tshamisa ni tihosi, Ni ku va avela swiluvelo swa ntwalo. Hikuva masungulo ya misava i ya Yehovha; U tiyisile misava ehenhla ka wona.

Pisalema 114:6

N'wina tintshava mi tlulatlulela yini kukotisa tinyimpfu, Na n'wina switsunga mi kotisela yini swinyimpfana?