Ntirho 9:32 - Xitsonga (Bibele)

³² Hikuva a hi munhu wo kota mina, ndzi nga hlamulana na xona, Hi yisana ehubyeni na xona;

BIBELE Mahungu Lamanene

³² “Loko Xikwembu a xo va munhu, a ndzi ta hlamulana na xona, hi ya mangalelana ehubyeni.

Ntirho 9:32 Referans Kwoze

Varhoma 9:20

Kambe wena munhu, u mani loko u tengisa Xikwembu? Xana mbita yi nga ku eka loyi a yi vumbeke: “U ndzi endlisele yini xileswi xana?”

Eklesiasta 6:10

Lexi nga kona xi thyiwile vito; loko a ri munhu, ku tiviwa lexi a nga xona ni leswaku a nga ka a nga tengisani na la n'wi tlulaka hi matimba.

Pisalema 143:2

U nga tengisani na nandza wa wena! Hikuva a ku na munhu eka lava hanyaka, La nga kumiwaka a lulamile emahlweni ka wena.

Tinhlayo 23:19

Xikwembu a hi munhu leswaku xi nga hemba, Ni n'wana wa munhu leswaku xi nga tisola. Xana hi yena la vulaka, kutani a nga endli, Loyi a vurisaka, kutani a nga hetisisi?

1 Yohane 3:20

Hikuva loko timbilu ta hina ti hi avanyisa Xikwembu i xikulu eka timbilu ta hina, kambe xi tiva hinkwaswo.

Yeremiya 49:19

“Vona, kukota nghala, u huma eswihlahleni swa Yordani, u tlhandlukela evuakweni lebyo tiya; kan'we ndzi ta balekisa Edomu, a suka kona; kutani yeloyi ndzi n'wi hlawuleke, ndzi ta lerisa yena ehenhla ka byona. Hikuva i mani la kotaka mina? I mani la nga ndzi vitelaka ehubyeni? I mani, murisi la nga yimaka emahlweni ka mina?

Esaya 45:9

“Khombo eka loyi a kanetanaka ni muvumbi wa yena! Yi ri mbita exikarhi ka timbita! Xana vumba byi ta ku eka muvumbi: ‘U endla yini?’ Xana lexi u xi tirhaka xi ta ku: ‘U hava mavoko’?

Ntirho 33:12

“Vona, ndza ku byela, u hoxile kwalaho, Hikuva Xikwembu xi tlula vanhu hi vukulu.

1 SAMIELE 16:7

Kambe Yehovha a ku eka Samiele: “U nga languti nghohe ya yena, hambi xi ri xiyimo xa yena, hikuva ndzi n'wi cukumetile; Yehovha a nga languti leswi langutiwaka hi vanhu, hikuva vanhu va languta nghohe, kambe Yehovha u languta mbilu.”

Ntirho 9:3

Ni loko a rhandza ku tenga na xona, A nga ka a nga hlamuli mhaka na yin'we, ni ka leta madzanadzana.

Ntirho 9:14

Mina ndzi mani leswaku ndzi xi hlamula xana? Ndzi nga hlawurisa ku yini timhaka ta ku xi hlamula?

Ntirho 9:31

Hambiswiritano, u ta ndzi puluvundzisa endzhopeni, Ndzi va ndzi phiriwa hi tinguvu ta mina.

Ntirho 9:19

Loko ndzi tivitela matimba! U ri, hi mina wa matimba, Kumbe ku lulama! U ri, i mani la nga ta ndzi vitana ehubyeni?

Ntirho 33:7

Ku chava ka mina ku nga ka ku nga ku tshukisi, Ni ku tika ka mina ku nga ka ku nga ku tikeri.