Ntirho 9:24 - Xitsonga (Bibele)

²⁴ Misava yi nyikiwile emavokweni ya lavo biha; Xi sirhela mahlo ya vaavanyisi va yona; Loko xi nga ri xona la endleke sweswo, a nga va mani xana?

BIBELE Mahungu Lamanene

²⁴ Xikwembu xi nyiketile misava emavokweni ya lavo homboloka, vaavanyisi va timhaka ehubyeni, xi va sive mahlo. Loko ku nga ri xona xi endlaka sweswo, ku ta va ku ri mani xana?

Ntirho 9:24 Referans Kwoze

Ntirho 10:3

U tsakela yini ku ndzi endla swo biha, Leswaku u tshika mitirho ya mavoko ya wena, U tivonakisa emakun'weni ya lavo biha xana?

Daniele 4:17

Ku avanyisa kuloko ku huma emakungwini ya valanguteri mhaka yoleyi yi lerisiwile hi vahlawuriwa, leswaku lava hanyaka va tiva leswaku La nge henhlahenhla u ni ku fuma ehenhla ka vuhosi bya vanhu, ni leswaku u byi nyika loyi a rhandzaka ku n'wi nyika byona, ni leswaku a nga tlakusela eka byona la hundzisaka hi vutsongo.’

Yeremiya 14:4

Varimi va khomisiwa tingana va tifunengetile tinhloko hikuva tiko ri ahlamele, hikuva mpfula a yi nga ni emisaveni.

Pisalema 17:14

Hi voko ra wena, Oho Yehovha! U ndzi ponisa eka vanhu va misava leyi, Va ni ku averiwa ka vona evutomini lebyi; U tatile swifuva swa vona hi rifuwo ra wena; Vana va vona va xurhile, Kambe va siyela vatukulu va vona leswi salaka.

Ntirho 32:2

Kavaloko ku pfurha vukari bya Elihu, n'wana Barakele wa Buzi, wa yindlu ya Rhamu. Vukari bya yena byi pfurhela Yobo hikuva a a tivekile la lulameke emahlweni ka Xikwembu.

Ntirho 24:25

Loko swi nga ri tano, i mani la nga ndzi landzulaka, Ku vulavula ka mina ku ta endliwa swahava hi mani-ke?”

Ntirho 16:11

Xikwembu xi ndzi nyiketile emavokweni ya timbabva, Xi ndzi hoxile emandleni ya lavo biha.

Ntirho 12:17

Xi yisa valerisi ekhotsweni, va ri lava phangiweke, Xi hungukisa vaavanyisi,

Estere 7:8

Hosi yi vuya hi le ntangeni wa yindlu ya vuhosi, yi vuyela endlwini, laha ingi ku nwiwa vhinyo. Kasi Hamani a tiwisele exilawini lexi Estere a nga eka xona. Hosi yi ku: “Xana hileswaku, u pfukela nkosikazi matimba emahlweni ka mina endlwini ya mina?” Mhaka yoleyo ya ku ya ha huma enon'wini wa hosi, ku funengetiwa nghohe ya Hamani.

Estere 6:12

Kutani Mordekayi a vuya a tlhelela enyangweni ya hosi, Hamani, yena, a hatlisa a tiyela ekaya, a ri ku vavisekeni, a tifunengete nhloko.

2 SAMIELE 19:4

Hosi a yi tifunengetile mombo wa yona, yi tlakusa rito, yi rila, yi ku: “N'wananga Abixalomu! Abixalomu, n'wananga, n'wananga!”

2 SAMIELE 15:30

Kutani Davhida a a tlhandluka ntshava ya mitlhwari, a ri karhi a rila; nhloko ya yena yi funengetiwile, a famba a nga ri na tintanghu emilengeni; kutani vanhu hinkwavo va tiko lava ngi va ri na yena a va tifunengeta tinhloko va rila loko va ri karhi va tlhandluka.

Ntirho 19:7

Ku ndzi rhiyela xirimbana xa xona. Vonani, ndzi ba nkosi hi leswi ndzi endliwaka hi ku nonon'hwa kambe a ndzi voni ku hlamula, Ndzi kombela ku pfuniwa, kambe ku lulama ku hava!

Ntirho 22:8

Munhu wa matimba a a fuma tiko, Ni nkulukumba a tiendla muaki wa rona.

Ntirho 24:12

Mikosi ya lava faka yi twakala emitini; Mimoya ya lava tlhaviweke ya huwelela, Hambiswiritano, Xikwembu a xi chawuki manyala ya vanhu!

Malakiya 2:17

Mi karhata Yehovha hi marito ya n'wina, kambe mi ri: “Hi n'wi karhata hi yini?” Hi loko mi ku: “Un'wana ni un'wana la endlaka swo biha, u lulamile emahlweni ka Yehovha, kutani hi vona lava a tsakisiwaka ha vona!” Kumbe loko mi ku: “Xi kwihi Xikwembu xa ku avanyisa?”

Eklesiasta 4:1

Ndzi engeta kambe ndzi tsundzuka maxangu hinkwawo lama humelelaka ehansi ka dyambu, ndzi vona mihloti ya lava xanisiwaka, kambe ku nga ri na loyi a va miyetaka. Tlhelo ra vaxanisi va vona, ndzi vona ku nonon'hwa, kambe ku nga ri na mumiyeti wa vona.