Ntirho 6:9 - Xitsonga (Bibele)

⁹ Loko Xikwembu xi nga pfumela ku ndzi pfurhakanya, Xi tshambuluta voko ra xona leswaku xi ndzi heta;

BIBELE Mahungu Lamanene

⁹ Xikwembu a xi ndzi kandziye xi ndzi pyanya, a xi ndzi be xi ndzi hetisa:

Ntirho 6:9 Referans Kwoze

1 TIHOSI 19:4

loko a ri yena, a famba mananga siku hinkwaro, kutani a ya tshamisa ehansi ka ximudyana, a kombela ku fa, a ku: “Swi ringene! Sweswi Yehovha, teka moya wa mina, hikuva a ndzi tluri vatatana hi vunene!”

Yonasi 4:3

Kutani sweswi, wee Yehovha, ndzi tekele vutomi bya mina hikuva eka mina ku hanya, ku tlula hi ku fa!”

Yonasi 4:8

Kutani kakuloko dyambu ri huma, Xikwembu xi hungisa mheho leyo hisa ya vuxa, dyambu ri va ri hisa nhloko ya Yonasi, kutani Yonasi a titivala, a kombela ku fa, a ku: “Eka mina, ku hanya ku tlula hi ku fa!”

Nhlavutelo 9:6

Emikarhini yoleyo, vanhu va ta lava rifu kambe va nga ka va nga ri kumi; va ta navela ku fa, kambe rifu ri ta va balekela.

Pisalema 32:4

Hikuva nhlekanhi ni vusiku voko ra wena ri tshama ri ndzi tikela, Matimba ya mina ma hundzuka ku oma ka ximumu.

Ntirho 19:21

Ndzi tweleni vusiwana! Ndzi tweleni vusiwana, n'wina vanakulorhi! Hikuva voko ra Xikwembu, hi rona leri ndzi beke.

Ntirho 14:13

Yo! Loko ngi u ndzi fihlile exivandleni xa vafi, U ndzi pfalela hi nkarhi, vukari bya wena byi ko byi hundza, U ndzi vekela siku leri u nga ta ndzi anakanya ha rona.

Ntirho 6:8

“Oho! Loko ingi ku kombela ka mina ku endleka, Ni loko Xikwembu xi ndzi nyika lexi ndzi xi languteleke!

Ntirho 9:21

Hambi ndzi lulamile, a ndzi tivi mbilu ya mina, Ndzi phiriwa hi vutomi bya mina.

Ntirho 10:1

“Mbilu ya mina yi phiriwile hi vutomi bya mina! Ndzi fanela ku nyika ku dzumadzuma ka mina nkarhi, Ndzi vulavula eku vavisekeni ka moya wa mina.

Ntirho 11:20

Kambe mahlo ya timbabva ma ta herisiwa; Va ta pfumala vuchavelo, Ku langutela ka vona ri ta va rifu ntsena.”

Esaya 38:12

“Yindlu ya mina yi susiwile, yi yisiwe ekule na mina kukotisa ntsonga wa murisi. Ngoti ya vutomi bya mina yi tsemiwile swange hi muluki; wa ndzi tsemetela engubyeni leyi a yi lukaka. Ku suka ninhlekanhi ku fika nivusiku u ta va u ndzi hetile!