Ntirho 38:7 - Xitsonga (Bibele)

⁷ Siku tinyeleti ta vuxa ti baka huwa yo tsaka, Ni vana hinkwavo va Xikwembu va yimbelelaka hi ku tsakisisa?

BIBELE Mahungu Lamanene

⁷ Esikwini rero, tinyeleti ta mixo a ti yimbelela hi nomo wun'we; swivumbiwa swa le tilweni, a swi ba minkulungwana hinkwaswo.

Ntirho 38:7 Referans Kwoze

Nhlavutelo 5:11

Kuteloko ndzi langutile, ndzi twa rito ra tintsumi leto tala leti rhendzeleke xiluvelo, ni swivumbiwa leswi hanyaka leswa mune, ni vakulukumba; ntsengo wa vona a wu ri wa makume ya magidigidi ya magidigidi, ni magidigidi ya magidigidi; va ku hi rito lerikulu:

Ntirho 1:6

Siku rin'wana vana va Xikwembu va ya humelela emahlweni ka Yehovha na yena Satana a nghena exikarhi ka vona.

Nhlavutelo 22:16

“Mina Yesu, ndzi rhumile ntsumi ya mina ku vula vumbhoni bya timhaka teto etikerekeni. Hi mina rimitsu ni rixaka ra Davhida, ni nyeleti leyi voningaka ya mixo.”

Nhlavutelo 2:28

Ndzi ta n'wi nyika ni nyeleti ya mixo.

Pisalema 104:4

U teka mimoya a endla tintsumi ta yena ha yona U tlhela a teka malangavi ya ndzilo a endla malandza ya yena ha wona.

Ntirho 2:1

Kambe hi siku rin'wana loko vana va Xikwembu va ya humelela emahlweni ka Yehovha, Satana na yena, a humelela na vona emahlweni ka Yehovha.

Zakariya 4:7

Wena, ntshava leyikulu, u yini eka Zerubabele? U rivala ntsena! U ta humesela ehandle ribye ra yinhla exikarhi ka huwa leyi nge: ‘A ri tsetseleriwe! A ri tsetseleriwe!’ ”

Genesa 1:16

Xikwembu xi endla swo voninga swimbirhi leswikulu; xo voninga lexikulu ku fuma nhlekanhi, ni xo voninga lexitsongo ku fuma vusiku, xi endla na tona tinyeleti.