Ntirho 38:33 - Xitsonga (Bibele)

³³ Xana wa yi tiva milawu ya le tilweni. Ni mitirho ya yona emisaveni xana?

BIBELE Mahungu Lamanene

³³ Milawu leyi fambisaka swivumbiwa swa le tilweni, wa yi tiva ke, xana u nga yi tirhisa ku fuma misava xana?

Ntirho 38:33 Referans Kwoze

Yeremiya 33:25

“Ku vula Yehovha: Loko ndzi nga endlanga ntwanano ni nhlekanhi ni vusiku, loko ndzi nga tiyisangi milawu ya le tilweni, ni swa le misaveni,

Pisalema 148:6

U swi vekile leswaku swi va kona hi laha ku nga yiki helo ni makumu, U swi nyikile milawu, a ku na xin'we lexi yi tlulaka.

Genesa 8:22

Hi masiku hinkwawo ya misava, ku byala ni ku tshovela, xirhami ni mumu, ximumu ni vuxika, nhlekanhi ni vusiku, swi nga ka swi nga pfumaleki.”

Genesa 1:16

Xikwembu xi endla swo voninga swimbirhi leswikulu; xo voninga lexikulu ku fuma nhlekanhi, ni xo voninga lexitsongo ku fuma vusiku, xi endla na tona tinyeleti.

Ntirho 38:32

Xana u nga humesa swikombiso swa le tilweni enkarhini wa swona? Kumbe hi wena la fambisaka Gongomela ni vana va yona?