Ntirho 38:28 - Xitsonga (Bibele)

²⁸ “Xana mpfula yi ni tatana wa yona-ke? Kumbe mathonsi ya mberha ma vekiwile hi mani xana?

BIBELE Mahungu Lamanene

²⁸ “Xana mpfula yi na tatana ke, i mani la tumbuluxeke mberha xana?

Ntirho 38:28 Referans Kwoze

Yeremiya 14:22

Xana un'wana a nga va kona exikarhi ka swahava swa matiko la nisaka mpfula-ke? Kumbe tilo ri nga tinisela mpfula-ke? Xana a hi wena Yehovha Xikwembu xa hina? Na swona hi tshembile wena hikuva hi wena la endleke leswo hinkwaswo.

Pisalema 147:8

U eneta tilo hi mapapa, u nisa mpfula emisaveni, U mirisa byanyi etintshaveni.

Matewu 5:45

hileswaku mi hundzuka vana va Tata wa n'wina la nga ematilweni, hikuva u tsuvukisa dyambu ra yena ehenhla ka lavo biha ni lavo saseka, u nisa mpfula ehenhla ka lavo lulama ni lavo homboloka.

Amosi 4:7

“Kambe, a ndzi mi tsonile mpfula, ka ha sele tin'hweti tinharhu mi nga si tshovela; ndzi nisela muti wun'wana, wun'wana ndzi nga wu niseri; nsimu yin'wana yi niseriwa, nsimu leyi nga niseriwangiki yi oma;

Yuwele 2:23

Na n'wina vana va Siyoni, tsakani, mi tsaka ngopfu eka Yehovha, Xikwembu xa n'wina, hikuva u ta mi nyika hilaha ku fanelaka e timpfula letikulu, u ta mi nisela timpfula, timpfula ta rihunga, ni ta xirimo; hi wona masungulo.

Hosiya 14:5

Ndzi ta fana ni mberha eka Israele; u ta baleka ku fana ni khon'wa, a mila timitsu kukotisa Lebanoni.

Yeremiya 10:13

Loko xi tlakusa rito, mati ma hlengeletana ematilweni; kambe xi humesa tihunguva emakun'wini ya misava hi ku hatima xi nisa mpfula, kutani xi humesa moya eku fumeni ka wona.

Yeremiya 5:24

Kambe a va tilayi etimbilwini ta vona, va ku: ‘Hi fanele ku chava Yehovha, Xikwembu xa hina, la hi nyikaka, mpfula yo rhanga ni ya hlovo enkarhini wa yona, la hi hlayiselaka mavhiki lama vekiweke ya ku tshovela.’

Swivuriso 3:20

Hi vutivi bya yena swidziva swa handzuka, Ni mapapa ma pfutisa mberha.

Ntirho 38:8

“I mani la pfaleleke lwandle hi timbanti, Siku ri humaka hi matimba ekhwirini ra mana wa rona?

Ntirho 29:19

Rimitsu ra mina ri ta nava ematini, Kutani mberha yi ta wa nivusiku emarhavini ya mina.

1 TIHOSI 17:1

Kutani Eliya, wa Tixibe, munhu wa tiko ra Giliyadi, a ku eka Akabu: “Yehovha, Xikwembu xa Israele, loyi ndzi yimaka emahlweni ka yena, wa hanya! Malembe lawa ku nga ka ku nga vi na mpfula ni mberha, loko ku nga ri hi rito ra mina.”

2 SAMIELE 1:21

“Tintshava ta Gilibowa! A ku nga vi na mberha ni mpfula ehenhla ka n'wina, A ku nga vi na nsimu ya mihlengo! Hikuva ku cukumetiwe kona switlhangu swa tinhenha. Xitlhangu xa Sawulo, Kukotisa loko ngi xi nga cheriwanga hi mafurha.

Duteronoma 33:28

Israele u akile hi ku rhula, Xihlovo xa Yakobo xi pfelela Etikweni ra koro ni ra vhinyo; Kunene tilo ra yena ri tshona mberha.

Duteronoma 33:13

Eka Yosefa, a ku: “Tiko ra yena ri ta katekisiwa i Yehovha Hi leswo saseka swa le tilweni, yi ri mberha, Ni swa le xidziveni lexi nga ehansi,

Genesa 27:39

Kavaloko Isaka, tata wa yena, a hlamula, a ku: “Waswivo, muti wa wena wu ta pfumala mafurha ya misava, ni mberha leyi humaka etilweni, ehenhla.

Genesa 27:28

Xikwembu a xi ku nyike swa mberha ya tilo, ni swa mafurha ya misava, ni ndzalo ya vuswa, ni vhinyo.

Ntirho 36:27

Xi tlhandlukisa mathonsi ya mati, Kutani mpfula yi na, yi huma emapapeni lama vumbiweke hi xona;

Ntirho 36:28

Mapapa ma halata timpfula, Ma ti nisela ehenhla ka vunyingi bya vanhu.