Ntirho 37:23 - Xitsonga (Bibele)

²³ Hi nga ka hi nga tshineli Lowa matimba hinkwawo, U tlakukile hi matimba, ni ku twisisa, ni ku lulama hinkwako, A nga hlamuli nchumu.

BIBELE Mahungu Lamanene

²³ Xi ni matimba hinkwawo, hi nge tshineli kusuhi na xona; xi fuma hi ntamu ni ku lulama, xi tele ku tshembeka, xi nge xanisi munhu.

Ntirho 37:23 Referans Kwoze

1 Timotiya 6:16

a nga yena a ri swakwe la nga riki wa ku fa, la tiakeleke eku vonakaleni laha ku nga tshineleriwiki, loyi ku nga riki na munhu exikarhi ka vanhu la n'wi voneke ni la nga n'wi vonaka; loyi ku chaviwa ni matimba lama nga heriki swi nga eka yena. Amen!

Varhoma 11:33

Oho! A hi ku enta ka rifuwo, ni ka vutlhari, ni ka vutivi bya Xikwembu! Ku avanyisa ka xona a ku twisisiwi, ni tindlela ta xona a ti tiviwi!

Pisalema 99:4

A va dzunise matimba ya Hosi leyi rhandzaka ku lulama! Hi wena la tiyisaka ku lulama, La humeseleke Yakobo ku avanyisa ni ku lulama.

Ntirho 36:5

“Vona, Xikwembu xi ni matimba, kambe a xi tengisi munhu; Xikulu hi matimba ya ku twisisa ka xona.

Ntirho 9:4

Vutlhari ni matimba hinkwawo swi na xona: I mani la nga kanetanaka na xona, a vuya a hanya?

Ezekiele 18:32

Hikuva a ndzi tsakeli rifu ra loyi a lovaka, ku vula Hosi Yehovha. Hundzukani hakona, mi ta hanya!”

Ezekiele 18:23

Xana ndzi ta tsakela rifu ra lowo biha-ke, ku vula Hosi Yehovha? Leswi ndzi swi tsakelaka hi leswaku munhu a hundzuka, a tshika mikhuva ya yena, a hanya.

Esaya 63:9

Eku karhatekeni ka vona, a a karhateka na yena, kutani ntsumi ya mombo wa yena yi va ponisile. Erirhandzwini ra yena ni le vuneneni bya yena, u va kutsurile a ri yena, u va seketerile, u va tlakurile emasikwini hinkwawo ya khale.

Esaya 45:21

Vulani, mi va vitana, va kanela swin'we! La bvumbheke swilo sweswo eku sunguleni, la swi vuleke khale, i mani? Xana a hi mina Yehovha? A ku na Xikwembu xin'wana ehandle ka mina, hi mina ntsena Xikwembu lexi lulameke lexi ponisaka.

Pisalema 30:5

Hikuva vukari bya yena i bya nkarhinyana ntsena, Kambe tintswalo ta yena, i ta vutomi hinkwabyo; Swirilo swi nga hambukela eka munhu nimadyambu, Kambe nimixo i ku tsaka.

Ntirho 11:7

“Xana u fikele eku tlakukeni ka Xikwembu, U twisisile ku enta ka Lowa matimba hinkwawo xana?

Vaheveru 12:10

Kasi vona va hi layile hi mikarhi yi nga ri yingani, hilaha va nga ringanisa hakona; kambe yena u hi laya ku hi pfuna, leswaku hi va ni ku averiwa ka ku kwetsima ka yena.

Luka 10:22

Kutani a hundzukela eka vadyondzisiwa va yena, a ku: Swilo hinkwaswo ndzi swi nyikiwile hi Tatana; kutani a ku na la tivaka leswaku Tatana i mani, loko a nga ri N'wana, ni loyi N'wana a nga swi rhandzaka ku n'wi pfuletela yena.”

Matewu 6:13

U nga hi yisi emiringweni, kambe u hi lwela eka lowo biha.’

Eklesiasta 3:11

Xi endlile hinkwaswo swi sasekile hi nkarhi wa swona, xi vekile ku anakanya ka vutomi lebyi nga heriki etimbilwini ta vona; hambiswiritano, a ku na munhu la twisisaka mitirho leyi endliweke hi Xikwembu eku sunguleni ka yona ku yisa eku heteleleni.

Pisalema 93:1

Yehovha wa fuma, u ambele vukulukumba, Matimba i xiambalo xa Yehovha, ni vamba ra yena; Hikwalaho misava yi tiyile, yi nga tsekatseki.

Pisalema 66:3

Mi ku eka Xikwembu: “Mitirho ya wena yi chavisa swonghasi! Hikwalaho ka vukulu bya matimba ya wena, valala va wena va ku xengetela.

Pisalema 65:6

U tiyisa tintshava hi matimba ya wena, Wena la ambaleke matimba;

Pisalema 62:11

Xikwembu xi vulavurile kan'we; Ndzi swi yingisile kambirhi hi leswaku: “Matimba i ya Xikwembu.”

Ntirho 37:19

Hi dyondzise lexi hi nga n'wi byelaka xona; Hikuva munyama wa hina wu hi sivela ni ku vula mhaka na yin'we.

Ntirho 36:26

Xikwembu i xikulu, kambe hi nga ka hi nga tivisisi vukulu bya xona; Ntsengo wa malembe ya xona a wu hlayiwi.

Ntirho 26:14

Vona, sweswo i vuhandle bya tindlela ta xona, Hi twa tingomela letitsanana ta xona ntsena; Loko ti ri tindlati ta matimba ya xona, i mani la nga ti twaka xana?”

Ntirho 12:13

“Eka xona Xikwembu ku tshama vutlhari ni matimba; Xi ni mianakanyo ni ku twisisa.

Ntirho 9:19

Loko ndzi tivitela matimba! U ri, hi mina wa matimba, Kumbe ku lulama! U ri, i mani la nga ta ndzi vitana ehubyeni?

Ntirho 8:3

Xana Xikwembu xi nga voyamisa leswo lulama-ke? Lowa matimba a nga voyamisa ku lulama xana?

Ntirho 11:8

I ku tlakuka loku kotaka ka le tilweni, u ta endla yini? Ku entile ku tlula xivandla xa vafi, u ta tiva yini?

Ntirho 25:2

“Matimba ni ku chavisa swi na Xikwembu; Xi tiyisa ku rhula exivandleni lexi tlakukeke xa xona.

Ntirho 36:3

Ndzi ta landza ku tiva ka mina ekule, Ndzi ta veka La lulameke emuvumbi wa mina.

Ntirho 37:22

Ku hatima loku nga ka nsuku ku huma en'walungwini; Xikwembu xi rhendzeriwa hi ku kwetsima loku chavisaka.

Eklesiasta 7:24

Leswi ngi swi ri kona swi le kule, swi entile ngopfu, la nga ta swi kuma i mani xana?

Ezekiele 33:11

U nge eka vona: Ndza hanya, ku vula Hosi Yehovha, a ndzi tsakeri rifu ra mudyohi, kambe hileswaku a hundzuka endleleni ya yena kutani a hanya; hundzukani, mi hundzuka etindleleni ta n'wina leto biha, hikuva mi rhandza ku fa hikwalaho ka yini, n'wina yindlu ya Israele?

Pisalema 62:12

Ni tintswalo ti na wena, Hosi; Hikuva u tlherisela un'wana ni un'wana hi ku ringana ka mitirho ya yena.

Pisalema 145:3

Yehovha u nkulukumba, u faneriwa hi ku vongiwa hinkwako; Vukulukumba bya yena a byi na ku pimiwa: