Ntirho 37:19 - Xitsonga (Bibele)

¹⁹ Hi dyondzise lexi hi nga n'wi byelaka xona; Hikuva munyama wa hina wu hi sivela ni ku vula mhaka na yin'we.

BIBELE Mahungu Lamanene

¹⁹ Hi pfune, xana hi nga xi byela yini ke? Swo hlamula xona, hi nge swi kumi, hi le xinyamini!

Ntirho 37:19 Referans Kwoze

1 Yohane 3:2

Varhandziwa, sweswi, hi vana va Xikwembu, kambe lexi hi nga ta va xona, a xi si vonaka; kambe ha swi tiva leswaku siku a humelelaka, hi ta fana na yena, hikuva hi ta n'wi vona hi xiviri xa yena.

1 Vakorinto 13:12

Sweswi, hi vona hi xivonivoni, hi ritsandze; enkarhini wolowo hi ta vona hi mahlo lama langutanaka; sweswi ndzi tiva tlhelo rin'wana ntsena; enkarhini wolowo ndzi ta tiva kukota loko ndzi tiviwile na mina.

Pisalema 139:6

Ku tiva loko, i mahlori eka mina, Ku tlakukile ngopfu ku tlurisa, ndzi tsandzeka ku ku fikela.

Pisalema 73:22

A ndzi ri xiphukuphuku, a ndzi nga twisisi nchumu; Emahlweni ka wena a ndzi fana ni xiharhi.

Ntirho 42:3

‘I mani la timelaka makungu ya mina hi vuhunguki bya yena?’ Ndzi vulavurile ndzi nga ri na ku twisisa, I mahlori lama ndzi hlulaka, lawa ndzi nga ma twisisiki?

Ntirho 38:2

“La nyamisaka makungu ya mina Hi marito lama kalaka ku twisisa, i mani xana?

Ntirho 26:14

Vona, sweswo i vuhandle bya tindlela ta xona, Hi twa tingomela letitsanana ta xona ntsena; Loko ti ri tindlati ta matimba ya xona, i mani la nga ti twaka xana?”

Ntirho 13:6

Yingiselani ku hlamula ka mina, Mi twa hi nomu wa mina timhaka leti ndzi yimeke ha tona.

Ntirho 13:3

Kambe ndzi nga rhandza ku vulavula na Lowa matimba hinkwawo, Ndzi nga navela ku nghena eku tengeni ni Xikwembu.

Ntirho 12:3

Na mina, mbilu, ndzi na yo kukota n'wina; A ndzi xihlangi eka n'wina, Timhaka teto, i mani la nga ti tiviki xana?

Varhoma 8:26

Kambe na wona Moya wa hi pfuna eku karhaleni ka hina hikuva a hi tivi leswi hi fanelaka ku kombela emikhongelweni ya hina; kambe wona Moya wa hi khongelela hi mahika lama tsandzekaka ku vuriwa hi munhu.

Ntirho 9:14

Mina ndzi mani leswaku ndzi xi hlamula xana? Ndzi nga hlawurisa ku yini timhaka ta ku xi hlamula?

Ntirho 37:20

I mani la nga yisaka eka xona marito ya mina? Kumbe i mani la navelaka ku mitiwa?

Ntirho 40:4

“Vona, ndzi lontsongo ntsena, ndzi nga ku hlamula yini? Ndzi veka voko ra mina enon'wini wa mina.