Ntirho 37:18 - Xitsonga (Bibele)

¹⁸ Xana u nga tiva ku andlala xibakabaka xa le tilweni kukotisa yena, U xi tiyisa kukota xivonivoni xa nsimbhi leyi chuluriweke?

BIBELE Mahungu Lamanene

¹⁸ xana u nga vamba lwangu ra tilo ku fana na xona ke, ri tiya kukota nsimbhi yo vangama?

Ntirho 37:18 Referans Kwoze

Esaya 44:24

U vula sweswo Yehovha, Mukutsuri wa wena, la ku vumbeke ekhwirini ra mana wa wena: “Hi mina Yehovha la endleke swilo hinkwaswo, la andlaleke matilo ni misava, ndzi ri ndzexe.

Pisalema 104:2

U tifunengete hi ku vonakala kukotisa nkumba, U andlale matilo kukotisa tende.

Eksoda 38:8

Kutani a endla nkamba hi koporo ni xikhato xa wona hi koporo, a endla ntirho lowo hi swivonivoni swa vavasati lava hlengeletanaka enyangweni ya tabernakela ya nhlengeletano.

Esaya 40:22

Hi yena la tshameke empfhukeni, ehenhla ka xirhendzevutana xa misava, kutani vaaki va yona va fana ni tinjiya. U andlala matilo tanihi nguvu leyo vevuka, u ma andlala tanihi tende a ma endla vuako bya yena.

Esaya 40:12

I mani la pimeke lwandle hi xandla xa yena, la pimeke matilo hi mpimo xana? I mani la pimeke hi xirhundzu ntshuri hinkwawo wa misava, la pimeke tintshava, ni switsunga exikalweni?

Swivuriso 8:27

Siku a lunghisaka matilo, a ndzi ri kona; Siku a tsalaka xirhendzevutana exibakabakeni.

Pisalema 150:1

Dzunisani Yehovha! Dzunisani Xikwembu evukwetsimelweni bya xona! Xi dzuniseni ematilweni lama endliweke hi matimba ya xona!

Ntirho 37:17

Swiambalo swa wena swi kufumela ha yini, Loko misava yi rhula emhehweni ya le dzongeni?

Esaya 45:12

Hi mina la endleke misava, la vumbeke munhu ehenhla ka yona. Hi mina ndzi endleke matilo hi mavoko ya mina; hi mina loyi ndzi fumaka nyimpi ya wona hinkwayo.

Yeremiya 10:12

Hi xona xi nga endla misava hi matimba ya xona, xi tiyisile ntumbuluko hi vutlhari bya xona, kutani hi ku twisisa ka xona, xi andlarile matilo.

Zakariya 12:1

Vuprofeta bya rito ra Yehovha ehenhla ka Israele: Ku vurile Yehovha la andlaleke matilo, la vangeke misava, la vumbeke moya wa munhu eka yena: