Ntirho 36:5 - Xitsonga (Bibele)

⁵ “Vona, Xikwembu xi ni matimba, kambe a xi tengisi munhu; Xikulu hi matimba ya ku twisisa ka xona.

BIBELE Mahungu Lamanene

⁵ “Xikwembu xi ni matimba, kambe a xi sandzi munhu; ina, xi ni matimba, makungu ya xona ma tiyile.

Ntirho 36:5 Referans Kwoze

Pisalema 22:24

Hikuva a nga solanga ni ku nyenya la nga enhlomulweni, A nga n'wi fihlelangi mombo wa yena; Kambe u n'wi yingisile loko a huwelele eka yena.”

Yeremiya 10:12

Hi xona xi nga endla misava hi matimba ya xona, xi tiyisile ntumbuluko hi vutlhari bya xona, kutani hi ku twisisa ka xona, xi andlarile matilo.

Pisalema 138:6

Yehovha u tlakukile; u vona lava titsongahataka, U tiva vatikurisi va ha ri kule.

Yeremiya 32:19

U nkulukumba emakungwini, u ni matimba eku endleni; mahlo ya wena ma languta mikhuva hinkwayo ya vana va vanhu ku tlherisela eka un'wana ni un'wana hi mikhuva ya yena, mihandzu ya ku endla ka yena.

Pisalema 147:5

Hosi ya hina yi kulukumba; matimba ya yona makulu ngopfu, Vutlhari bya yona a byi na ku pimiwa.

Ntirho 37:23

Hi nga ka hi nga tshineli Lowa matimba hinkwawo, U tlakukile hi matimba, ni ku twisisa, ni ku lulama hinkwako, A nga hlamuli nchumu.

Ntirho 31:13

“Loko ndzi arile ku yingisa nandza wa mina wa xinuna kumbe wa xisati, Siku va kanetanaka na mina,

Ntirho 10:3

U tsakela yini ku ndzi endla swo biha, Leswaku u tshika mitirho ya mavoko ya wena, U tivonakisa emakun'weni ya lavo biha xana?

Ntirho 9:19

Loko ndzi tivitela matimba! U ri, hi mina wa matimba, Kumbe ku lulama! U ri, i mani la nga ta ndzi vitana ehubyeni?

Ntirho 9:14

Mina ndzi mani leswaku ndzi xi hlamula xana? Ndzi nga hlawurisa ku yini timhaka ta ku xi hlamula?

Pisalema 99:4

A va dzunise matimba ya Hosi leyi rhandzaka ku lulama! Hi wena la tiyisaka ku lulama, La humeseleke Yakobo ku avanyisa ni ku lulama.

Ntirho 25:2

“Matimba ni ku chavisa swi na Xikwembu; Xi tiyisa ku rhula exivandleni lexi tlakukeke xa xona.

Pisalema 69:33

Hikuva Yehovha wa yingisa swisiwana, Kutani a nga sandzi vabohiwa va yena.

Pisalema 102:17

U ta yingisela ku khongela ka xisiwana, A nga ka a nga nyenyi ku khongela ka yena.