Ntirho 36:31 - Xitsonga (Bibele)

³¹ Xi avanyisa vamatiko ha swona; Kambe xi va nyika ha swona swakudya leswo tala.

BIBELE Mahungu Lamanene

³¹ Hi tona tindlela ta xona to hlayisa matiko, ni ku ma phamela swakudya hi xitalo.

Ntirho 36:31 Referans Kwoze

Timhaka 14:17

Hambiswiritano, a xi tipfumatanga vumbhoni, hi ku endlela vanhu swinene, ni ku hi nyika timpfula ta tilo ni tinguva ta ndzalo, xi hi andzisela ni swakudya, xi tata timbilu ta hina hi ku tsaka.”

Pisalema 136:25

Wa ha ri yena la nyikaka swivumbiwa hinkwaswo swakudya swa swona, Hikuva tintswalo ta yena hi leti nga heriki!

Ntirho 37:13

Yi nga va nhonga leyi xi baka misava ha yona, Kumbe xi nga humesa ha wona ku kateka ka xona.

1 SAMIELE 12:18

Samiele a huwelela eka Yehovha, kutani Yehovha a pfumisa tilo, a nisa mpfula siku leri, kutani tiko hinkwaro ri chava ngopfu Yehovha na Samiele.

1 SAMIELE 7:10

Kakuloko Samiele a ha humesa holokosta, Vafilista va tshinela ku ta lwa na Israele. Kambe Yehovha a pfumisa tilo hi matimba ehenhla ka Vafilista, a va pfilunganya, kutani va hluriwa emahlweni ka Israele.

1 SAMIELE 2:10

Valala va Yehovha va ta rhurhumela, U ta va balesela hi rihati a ri etilweni. Yehovha u ta avanyisa makumu ya misava; U ta nyika ku fuma eka hosi ya yena, U ta tlakusa rimhondzo ra Muhlawuriwa wa yena.”

Yoxuwa 10:11

Kutani, kuteloko va ha balekele Israele eku rheleleni ka Bet-Horoni, Yehovha a va nisela hi le tilweni maribye lamakulu ku fika eAzeka, kutani va fa, lava dlayiweke hi maribye lawa ya xihangu a va tlula lava vana va Israele va va dlayeke hi tlhari.

Duteronoma 8:15

lexi ku fambiseke hi mananga lamakulu, lama chavisaka, exikarhi ka tinyoka leto hisa, ni swipame, ni le swivandleni leswi omeke, laha ku nga riki na mati; hi xona lexi ku humeseleke mati eribyeni,

Duteronoma 8:2

“Tsundzuka ndlela hinkwayo leyi Yehovha, Xikwembu xa wena, a ku fambiseke ha yona emananga, hi malembe ya 40 ku ku tsongahata ni ku ku ringa, u ta tiva leswi nga embilwini ya wena: leswaku kumbe xana u ta hlayisa milawu ya yena, kumbe u nga yi hlayisi.

Genesa 19:24

Kavaloko Yehovha a nisela Sodoma na Gomora xivavula ni ndzilo swi huma etilweni eka Yehovha.

Genesa 6:17

Kutani mina, ndzi ta tisa ndhambi ya mati emisaveni, yi herisa ehansi ka tilo nyama yin'wana ni yin'wana leyi nga ni ku hefemula ka vutomi, kutani hinkwaswo leswi nga emisaveni swi ta lova.

Ntirho 36:30

Vona, xi haxa ku vonakala emahlweni ka xona, Kutani xi tifunengeta hi swidziva swa malwandle.