Ntirho 36:3 - Xitsonga (Bibele)

³ Ndzi ta landza ku tiva ka mina ekule, Ndzi ta veka La lulameke emuvumbi wa mina.

BIBELE Mahungu Lamanene

³ Vutivi bya mina byi huma kule, byi tiyisa ku lulama ka Muendli wa hina.

Ntirho 36:3 Referans Kwoze

Yakobo 3:17

Kambe vutlhari lebyi pfaka ehenhla, ku sungula ka byona i ku tenga, byi engeta byi va ni ku rhula, ni ku olova, ni ku yingisela, byi tele tintswalo, ni mihandzu leyinene, a byi tsekatseki, a byi kanganyisi.

Yakobo 1:17

ku nyika hinkwako loku sasekeke, hambi ku ri ku ha hinkwako loku hetisekeke, ku ta hi le henhla, ku xika hi le ka Tata wa ku vonakala, loyi a nga riki na ku hundzuka, hambi wu ri ndzhutinyana kona.

Nhlavutelo 15:3

Va yimbelela risimu ra Muxe, nandza wa Xikwembu, ni risimu ra Xinyimpfana, va ku: “Hi leyikulu, ya hlamarisa, mitirho ya wena, Hosi, Xikwembu xa matimba hinkwawo! Oho! Hosi ya matiko, tindlela ta wena ti lulamile ti tshembekile swonghasi!

Daniele 9:14

Hikwalaho Yehovha a hitekeleke khombo lero, a ri tisela ehenhla ka hina, hikuva Yehovha, Xikwembu xa hina, u lulamile emitirhweni hinkwayo yoleyi a yi tirheke, kambe a hi yingisanga rito ra yena.

Daniele 9:7

Ku lulama ku le ka wena, Hosi; eka hina ku ni tingana ta mimombo, hi siku ra namuntlha eka vavanuna va Yuda, ni vaaki va Yerusalema, ni ka Vaisraele hinkwavo, eka lava nga ekusuhi, ni lava nga ekule, ematikweni hinkwawo laha u nga va hlongolela kona, hikwalaho ka ku dyoha loku va ku dyoheleke hakona.

Pisalema 145:17

Yehovha u lulamile etindleleni ta yena hinkwato, U ni tintswalo emitirhweni ya yena hinkwayo.

Pisalema 11:7

Hikuva Yehovha u lulamile, u rhandza mitirho ya ku lulama; Vanhu lava lulameke va ta hlalela nghohe ya yena.

Ntirho 32:8

Kambe i moya lowu nga ka munhu, Ni ku huhutela ka Lowa matimba hinkwawo leswi nyikaka ku twisisa;

Ntirho 8:3

Xana Xikwembu xi nga voyamisa leswo lulama-ke? Lowa matimba a nga voyamisa ku lulama xana?

Duteronoma 32:4

“Yehovha i Ribye lero tiya; mitirho ya yena yi hetisekile; Hikuva tindlela hinkwato ta yena ti lulamile! I Xikwembu xo tshembeka, a xi na nandzu; Xi ni vunene, xi lulamile,

Yakobo 1:5

Loko un'wana wa n'wina a pfumala vutlhari, a a kombele eka Xikwembu lexi nyikaka hinkwavo hi nsovo, xi nga holovi, kutani u ta nyikiwa.

Varhoma 9:14

Kutani hi ta ku yini? Xana ku homboloka ku kona eka Xikwembu xana? Niswitsanana!

Matewu 12:42

Hosi ya wansati ya le dzongeni yi ta yima eku avanyiseni ni rixaka leri, yi ri kaneta, hikuva yi sukile makumu ya misava ku ta yingisela vutlhari bya Solomoni, kasi lonkulu ka Solomoni u kokwala.

Yeremiya 12:1

Wena Yehovha, u lulamile, ndzi nga tsandzeka ku kanetana na wena; hambiswiritano, ndzi ta tengisana na wena: Xana lavo biha va kateka ha yini, ni vakanganyisi hinkwavo va ni ku rhula ha yini-ke?

Ntirho 37:23

Hi nga ka hi nga tshineli Lowa matimba hinkwawo, U tlakukile hi matimba, ni ku twisisa, ni ku lulama hinkwako, A nga hlamuli nchumu.

Ntirho 34:5

Hikuva Yobo u te: ‘Ndzi lulamile, Xikwembu xi kanetile ku lulama ka mina.

Ntirho 32:2

Kavaloko ku pfurha vukari bya Elihu, n'wana Barakele wa Buzi, wa yindlu ya Rhamu. Vukari bya yena byi pfurhela Yobo hikuva a a tivekile la lulameke emahlweni ka Xikwembu.

Ntirho 4:17

‘Xana wa ku fa a nga lulama emahlweni ka Xikwembu xana? Kumbe munhu a nga basa emahlweni ka muvumbi wa yena xana?

Ntirho 36:2

“Wa nga ndzi rhulela mbilu switsongo, ndzi ta ku tsundzuxa, Hikuva ndza ha ri ni lexi ndzi nga xi vulelaka Xikwembu.