Ntirho 36:26 - Xitsonga (Bibele)

²⁶ Xikwembu i xikulu, kambe hi nga ka hi nga tivisisi vukulu bya xona; Ntsengo wa malembe ya xona a wu hlayiwi.

BIBELE Mahungu Lamanene

²⁶ “Xikwembu i xikulu ngopfu, hi nge xi twisisi; vukhale bya xona a byi pimeki.

Ntirho 36:26 Referans Kwoze

Pisalema 90:2

Loko tintshava ti nga si tumbuluka, Loko u nga si vumba misava, ni swilo hinkwaswo, Hi mikarhi ni mikarhi, u Xikwembu.

Pisalema 145:3

Yehovha u nkulukumba, u faneriwa hi ku vongiwa hinkwako; Vukulukumba bya yena a byi na ku pimiwa:

1 Vakorinto 13:12

Sweswi, hi vona hi xivonivoni, hi ritsandze; enkarhini wolowo hi ta vona hi mahlo lama langutanaka; sweswi ndzi tiva tlhelo rin'wana ntsena; enkarhini wolowo ndzi ta tiva kukota loko ndzi tiviwile na mina.

Ntirho 37:23

Hi nga ka hi nga tshineli Lowa matimba hinkwawo, U tlakukile hi matimba, ni ku twisisa, ni ku lulama hinkwako, A nga hlamuli nchumu.

Ntirho 37:5

Hi rito ra xona Xikwembu xi pfuma hi mukhuva lowu hlamarisaka, Xi endla swilo leswikulu leswi hi tsandzekaka ku swi twisisa.

1 TIHOSI 8:27

“Kambe, xana kunene Xikwembu xi nga aka emisaveni xana? Waswivo, matilo ni matilo ya matilo a ma ku eneri; xana-ke Yindlu leyi ndzi akeke yona a hi yitsongo ku tlurisa xana?

Ntirho 26:14

Vona, sweswo i vuhandle bya tindlela ta xona, Hi twa tingomela letitsanana ta xona ntsena; Loko ti ri tindlati ta matimba ya xona, i mani la nga ti twaka xana?”

Vaheveru 1:12

U ta ma songa kukotisa xifunengelo, kutani ma ta hundzuluka; kambe wena u ta tshama u ri wena, kutani malembe ya wena a ma nga vi na makumu.”

2 Petro 3:8

Ntsena varhandziwa, ku va ni mhaka yin'we leyi mi nga tshukeni mi yi rivala, hileswaku siku rin'we eka Hosi, ri fana ni malembe ya khume ra madzana, kutani malembe ya khume ra madzana ma kotisa siku rin'we.

Ntirho 10:5

Xana masiku ya wena ma fana ni ya vanhu lava faka? Ni malembe ya wena ma fana ni ya vanhu xana?

Ntirho 36:25

Yi langutiwa hi vanhu hinkwavo, Hambi munhu wa ku fa a yi languta a ri kule.

Ntirho 36:27

Xi tlhandlukisa mathonsi ya mati, Kutani mpfula yi na, yi huma emapapeni lama vumbiweke hi xona;