Ntirho 36:22 - Xitsonga (Bibele)

²² Vona, Xikwembu xi tlakukile hi matimba ya xona, I mani la dyondzisaka kukotisa xona?

BIBELE Mahungu Lamanene

²² “Xikwembu xi ni matimba, xa fuma, ku hava mudyondzisi wo fana na xona.

Ntirho 36:22 Referans Kwoze

Luka 1:52

U wisile tihosi eswitshan'weni swa tona, u tlakusile lavatsongo;

Varhoma 13:1

Munhu un'wana ni un'wana a a yingise vuhosi; hikuva a ku na vuhosi lebyi nga humiki eka Xikwembu; kutani tihosi leti nga kona, ti vekiwile hi Xikwembu.

Esaya 48:17

Ku vula sweswo Yehovha Mukutsuri wa wena, Muhlawuriwa wa Israele a ku: “Hi mina Yehovha, Xikwembu xa wena la ku dyondzisaka, a ku pfuna a ku fambisa endleleni leyi u faneleke ku famba ha yona.

Daniele 5:18

Wena hosi, Xikwembu lexi nge henhlahenhla a xi nyikile Nebukadnetsara, tata wa wena, vuhosi, ni vukulukumba, ni ku twakala, ni ku vonakala.

Daniele 4:32

u ta hlongoriwa exikarhi ha vanhu, kutani u ta aka ni swiharhi swa nhova; u ta hanya u dya byanyi kukotisa tihomu, kutani mikarhi ya ntlhanu na mimbirhi yi ta hundza ehenhla ka wena, u ko u tiva leswaku La nge henhlahenhla u ni ku fuma ehenhla ka vuhosi bya vanhu, ni leswaku a nga byi nyika loyi a rhandzaka ku n'wi nyika byona.”

Daniele 4:25

U ta hlongoriwa u suka exikarhi ka vanhu, u ta tiakela ni swiharhi swa nhova; u nyikiwa ku dya byanyi kukotisa tihomu, u tsakamisiwa hi mberha ya le tilweni, kutani mikarhi ya ntlhanu na mimbirhi yi ta hundza ehenhla ka wena, u ko u tivisisa leswaku La nge henhlahenhla u ni ku fuma ehenhla ka vuhosi bya vanhu, ni leswaku a nga byi nyika loyi a rhandzaka ku n'wi nyika byona.

Yeremiya 31:38

“Vonani, ku vula Yehovha, ma ta masiku lawa muti wu nga ta akeriwa Yehovha ha wona, ku suka ekhokholweni ra Hananele ku yisa enyangweni ya yinhla.

Esaya 54:13

Vana va wena va xinuna hinkwavo va ta va vadyondzisiwa va Yehovha, ku rhula ka vona ku ta va lokukulu.

Esaya 14:5

“Muxanisi u herile hi ku yini? Vuhenyi ku hava!

Pisalema 94:12

Ku katekile munhu loyi u n'wi layaka, Yehovha! Loyi u n'wi dyondzisaka hi nawu wa wena.

Pisalema 94:10

La layaka matiko, a nga ka a nga tshinyi xana? Kasi hi yena la dyondzisaka vanhu vutlhari.

Pisalema 75:7

Kambe i Xikwembu lexi avanyisaka; Xi tsongahata un'wana, xi tlakusa un'wanyana.

Ntirho 35:11

Xi hi nyikile ku twisisa loku tlulaka ka swiharhi, Ni vutlhari lebyi tlulaka bya tinyanyana ta le tilweni.’

Yohane 6:45

Ku tsariwile ebukwini ya vaprofeta, va ku: ‘Va ta dyondzisiwa hinkwavo hi Xikwembu.’ Hikwalaho un'wana ni un'wana la yingiseke Tatana, kutani a dyondzisiwa hi yena, u ta eka mina.

Ntirho 21:22

Xana Xikwembu xi nga dyondzisiwa vutivi? Kasi hi xona lexi avanyisaka mimoya ya le tilweni!

Ntirho 25:2

“Matimba ni ku chavisa swi na Xikwembu; Xi tiyisa ku rhula exivandleni lexi tlakukeke xa xona.

Ntirho 33:12

“Vona, ndza ku byela, u hoxile kwalaho, Hikuva Xikwembu xi tlula vanhu hi vukulu.

Pisalema 25:5

Ndzi fambise entiyisweni wa wena u ri karhi u ndzi dyondzisa; Hikuva hi wena Xikwembu xa ku hlayiseka ka mina; Hi masiku, ndzi ku tshembile.

Pisalema 119:102

A ndzi hambuki ku lerisa ka wena, Hikuva hi wena la ndzi dyondzisaka.