Ntirho 36:16 - Xitsonga (Bibele)

¹⁶ Xi ta ku ponisa na kona emin'waleni ya masangu, Xi ku veka endhawini laha u nga kamanyetiwiki, Swakudya leswi xawulaka swi ta vekiwa etafuleni ra wena.

BIBELE Mahungu Lamanene

¹⁶ “We Yobo, Xikwembu a xi ku tsavurile emakhombyeni, xi ku veka exivandleni lexi anameke, xi ku phamela swa mafurha ntsena.

Ntirho 36:16 Referans Kwoze

Pisalema 23:5

U ndzi lunghisela tafula emahlweni ka valala va mina, U totile nhloko ya mina hi mafurha, Kutani ndzheko wa mina wa khapa.

Pisalema 118:5

Emakhombyeni ya mina ndzi khongerile Yehovha; Yehovha u ndzi yingisile, a ndzi veka eku anameni.

Esaya 25:6

Yehovha wa tinyimpi u ta lunghisela matiko hinkwawo entshaveni leyi, swakudya swa tinyama leti noneke, ni swakunwa swa tivhinyo leti tengeke, leti kumiwaka ehenhla ka xisense; ti ri tinyama leti noneke, leti teleke, ni mafurha, ni tivhinyo ta khale leti tengisiweke.

Pisalema 63:5

Moya wanga wu ta xurha swange i mongo ni mafurha. Kutani nomu wa mina wu ta ku twarisa hi marito ya ku tsaka.

Pisalema 31:8

A ku ndzi nyiketanga emavokweni ya nala, Kambe u tiyisile mikondzo ya mina erivaleni.

Pisalema 18:19

A ndzi humesela erivaleni, A ndzi kutsula hikuva a ndzi rhandza.

Pisalema 36:8

Va xurha hi mafurha ya yindlu ya wena, Kutani u va nwisa enambyeni wa mati yo nandziha ya wena;

Hosiya 2:14

“Hikwalaho, vonani, ndzi ta n'wi khorwisa, ndzi n'wi yisa emananga, ndzi vulavula leswi nga ta khorwisa mbilu ya yena.

Esaya 55:2

Xana mi xavela yini hi mali, leswi swi nga riki vuswa xana? Xana mi tirhela yini, leswi nga xurhisiki xana? Ndzi yingiseni, mi ta dya leswo nandziha; mimoya ya n'wina yi ta titsakela endzalweni.

Ntirho 19:8

U sivile mitila ya mina leswaku ndzi nga hundzi; Endleleni ya mina u vekile munyama

Ntirho 5:17

“Vonani, ku katekile munhu loyi Xikwembu xi n'wi layaka! U nga soli nkhavi wa la nga ni matimba hinkwawo,

Ntirho 15:11

Xana u tsan'wa ku chavelela ka Xikwembu, Ni marito ya ku olova lawa u khongoteriwaka ha wona?

Pisalema 18:20

Yehovha u ndzi endlile hi ku lulama ka mina, Kambe u ndzi tlherisile hi ku basa ka mavoko ya mina;

Pisalema 63:6

Loko ndzi ku tsundzuka ndzi ri ebyetlelweni bya mina, Ndzi anakanya ta wena hi mikarhi ya vusiku.