Ntirho 36:11 - Xitsonga (Bibele)

¹¹ Loko va yingisa, kutani va xi tirhela, Va ta hetisela masiku ya vona eku katekeni, Ni malembe ya vona eku tsakeni.

BIBELE Mahungu Lamanene

¹¹ Loko va yingisa va xi tirhela, va ta hanya malembe layo tala va tsakile, va fela eku sasekeni.

Ntirho 36:11 Referans Kwoze

Yeremiya 7:23

kambe hi yona mhaka leyi ndzi va byeleke yona, ndzi ku: ‘Yingisani rito ra mina, kutani ndzi ta va Xikwembu xa n'wina, kambe n'wina mi va tiko ra mina, mi famba endleleni hinkwayo leyi ndzi nga ta mi lerisa yona, hilaha mi nga ta kateka.’

Yeremiya 26:13

Sweswi, hundzukani emikhuveni ya n'wina ni le ku endleni ka n'wina, mi yingisela rito ra Yehovha Xikwembu xa n'wina, kutani na yena Yehovha a ta hundzuka eku biheni loku a ku vuleke ehenhla ka n'wina.

Esaya 1:19

Kungakuloko mi yingisa hi ku tsaka, mi ta dya leswo nandziha swa tiko;

Vaheveru 11:8

Hi ku pfumela, Abrahama, siku a vitaniweke, a yingisa, a rhurhela etikweni leri a nga ta ri nyikiwa hi mukhuva wa ndzhaka; kambe a rhurha a nga tivi laha a yaka kona.

Duteronoma 4:30

Kutakuloko u le khombyeni, ni loko swilo hinkwaswo leswi swi fikele ka wena emikarhini leyi nga ta ta, u ta tlhelela eka Yehovha, Xikwembu xa wena, kutani u ta yingisa rito ra yena.

Yakobo 5:5

Mi tihanyele hi ku titsakela ni ku tlanga la emisaveni, mi korwisile timbilu ta n'wina kukotisa loko swa nge hi siku ra xitlhavelo.

Nhlavutelo 18:7

Mi n'wi xanisa, mi n'wi hlomukisa mbilu, mi n'wi ringanisela leswi a nga tidzunisa, ni leswi a nga titsakela ha swona. Hikuva u te embilwini ya yena: ‘Ndzi tshamile ndzi ri hosi, ndzi nga ri nsati wa noni, ndzi nga ka ndzi nga tivi nhlomulo’;

Ntirho 22:23

Loko u tlhelela eka Lowa matimba u ta tlhela u pfuxiwa, Ntsena u hlongola ku homboloka entsongeni wa wena;

Ntirho 22:21

“Hikwalaho u endla ntwanano na Xikwembu, u ta vona ku tsaka; Hi mukhuva wulowo rihleko ri ta ta eka wena;

Varhoma 6:17

Kambe a ku khensiwe Xikwembu, hikuva, hambi ngi mi ri makhumbi ya vudyoho, mi yingisile hi mbilu ku famba hi mitila ya ku dyondza loku mi dyondzisiweke kona.

Ntirho 42:12

Kutani Yehovha a katekisa mahetelelo ya Yobo ku tlurisa ku sungula ka yena; a fuwa tinyimpfu ta 14 000, ni tikamela ta 6 000, ni tihavi ta majoko ya 1 000, ni timbhongolo ta mantswele ta 1 000.

Ntirho 21:11

Vana va vona va huma etindlwini kukotisa ntlhambi, Swihlangi na swona, swa tlalamba.

1 Timotiya 4:8

Hikuva ku titiyisa emirini swa pfunanyana; kambe vukhongeri byi pfuna hinkwako, byi ni ku tshembisa ka vutomi bya sweswi ni ka lebyi nga ta ta.

Ntirho 21:13

Va heta masiku ya vona emitlangweni, Kutani va xikela endhawini ya vafi hi nomu lowu.

Pisalema 16:11

U ta ndzi tivisa ndlela ya vutomi; Ku xurha ka ku tsaka ku kona emahlweni ka wena; Ni ku tsaka loku nga heriki evokweni ra wena ra xinene.

Pisalema 149:4

Hikuva Yehovha u tsakisiwa hi tiko ra yena, U twarisa lava nga emahlomulweni hi ku va ponisa.

2 TIKRONIKA 33:13

Kakuloko a xi khongela, Xikwembu xi yingisa ku khongela ka yena, kutani xi n'wi tlherisela Yerusalema, eku fumeni ka yena, kutani Manase a tiva leswaku Yehovha hi xona Xikwembu.

Pisalema 119:3

Lava nga endliki swo homboloka, Kambe va famba etindleleni ta yena!

Swivuriso 1:33

Kambe la ndzi yingisaka u ta tiakela hi ku rhula, A nga chavi khombo.”