Ntirho 35:10 - Xitsonga (Bibele)

¹⁰ Kambe a va vutisi, va ku: ‘Xikwembu, muvumbi wa mina u kwihi-ke? Xona lexi nyikaka munhu nivusiku tinsimu ta ku tsaka,

BIBELE Mahungu Lamanene

¹⁰ Kambe ku hava na un'we la vitanaka Xikwembu a ku: ‘U kwihi wena Muendli wa hina, wena u hi tiyisaka hi tinsimu ni le vusikwini.

Ntirho 35:10 Referans Kwoze

Pisalema 42:8

Ninhlekanhi, Yehovha u ndzi ha tintswalo ta yena; Nivusiku, ndzi tshama ndzi yimbelela risimu ra yena, Ndzi khongela Xikwembu xa vutomi bya mina.

Timhaka 16:25

Evusikwini lebyikulu, Pawulo na Silasi, a va khongela, va yimbelelela Xikwembu tinsimu; kutani lava nga khotsiwa va va yingisa.

Pisalema 149:5

Lava n'wi rhandzaka a va tsake eku kwetsimeni, A va be mikulungwana ya ku tsaka eswilawini swa vona.

Pisalema 77:6

Ndzi anakanya risimu ra mina nivusiku. Ndzi vulavula hi mbilu ya mina, Na wona moya wa mina wu anakanya.

Esaya 51:13

u va u rivala Yehovha, Muvumbi wa wena, la andlaleke matilo, a tiyiseke ni misava. Kasi u chava hi mikarhi hinkwayo, ni siku hinkwaro, vukari bya muxanisi, loko a rhandza ku ku lovisa? Vukari byi kwihi bya muxanisi?

1 Petro 4:19

Hikwalaho, lava vavisekaka hi ku rhandza ka Xikwembu, a va veke mimoya ya vona emavokweni ya yena, a nga Muvumbi la tshembekaka, va ri karhi va endla swinene.

Esaya 54:5

Hikuva nuna wa wena, hi loyi a ku endleke, vito ra yena i Yehovha wa tinyimpi. Mukutsuri wa wena hi la hlawulekeke wa Israele, u ta vuriwa Xikwembu xa misava hinkwayo.

Eklesiasta 12:1

Anakanya Muvumbi wa wena hi masiku ya vuntshwa bya wena, ku nga si ta masiku ya khombo, ku nga si fika ni malembe lawa u nga ta vula ha wona, u ku: “A ndza ha tsakisiwi ha wona,”

Ntirho 36:13

“Va timbilu to biha va tihlengeletela vukari, A va khongeri Xikwembu loko xi va bohile;

Esaya 8:21

Ri ta pepetseka emisaveni exikarhi ka masangu, ri ta xanisiwa ri twa ndlala; kutakuloko ri twa ndlala, ri ta kariha, ri rhuketela hosi ya rona ni Xikwembu xa rona; kutani ri ta languta ehenhla,

Pisalema 119:62

Ndzi pfuka exikarhi ka vusiku, ndzi ku dzunisa, Hikwalaho ka ku avanyisa ka wena ka ku lulama.

Ntirho 36:3

Ndzi ta landza ku tiva ka mina ekule, Ndzi ta veka La lulameke emuvumbi wa mina.

Ntirho 32:22

Hikuva a ndzi tivi ku lwisa, Muvumbi wa mina a nga hatlisa ku ndzi susa.

Ntirho 27:10

Kumbe xana u lave ku titsakela hi Lowa matimba hinkwawo-ke? Xana a nga khongela Xikwembu hi masiku hinkwawo xana?

Ntirho 4:17

‘Xana wa ku fa a nga lulama emahlweni ka Xikwembu xana? Kumbe munhu a nga basa emahlweni ka muvumbi wa yena xana?

Ntirho 8:21

Wa ha ta tata nomu wa wena hi mahleko, Ni milomu ya wena hi ku tsaka.

Ntirho 21:14

Hambiswiritano, va ku eka Xikwembu: ‘Suka eka hina, A hi rhandzi ku tiva tindlela ta wena.

Yeremiya 2:6

A va vulangi, va ku: ‘U kwihi Yehovha, la hi humeseke etikweni ra Egipta, la hi fambiseke emananga, etikweni lero kwalala, ra mikova, tiko leri omeke ra ndzhuti wa rifu, tiko leri nga riki na muhundzi, ni muaki?’

Yeremiya 2:8

Vaprista a va vulanga, va ku: ‘U kwihi Yehovha?’ Ni vatameri va nawu a va ndzi tivanga; varisi va ndzi hundzukela, ni vaprofeta va profeta ha Baali, kambe va landza lava nga pfuniki nchumu.