Ntirho 32:21 - Xitsonga (Bibele)

²¹ Kambe a ndzi nga languti nghohe ya munhu, A ndzi nga heti munhu,

BIBELE Mahungu Lamanene

²¹ Eku vulavuleni ka mina, a ndzi nga yi hi nghohe, a ndzi nga tsakisi munhu ni un'we,

Ntirho 32:21 Referans Kwoze

Levhitika 19:15

“ ‘Mi nga tshuki mi voyamisa ku lulama eku avanyiseni ka n'wina; u nga tshuki u ya hi nghohe ku lamulela xisiwana, ni ku languta nghohe ya nkulukumba; u ta avanyisa wa rikwenu hi ku lulama.

Matewu 22:16

Kutani va rhuma eka yena vadyondzisiwa va vona ni va ka Heroda, va ya n'wi byela, va ku: “Mufundhisi, ha swi tiva leswaku wa vurisa, ni leswaku u dyondzisa ndlela ya Xikwembu hi ntiyiso, u nga chavisiwi hi munhu, hikuva a wu languti nghohe ya munhu.

Ntirho 34:19

Xikwembu a xi yi hi nghohe ya tihosi, A xi languti vafuwi ku tlula swisiwana; Hikuva hinkwavo i mitirho ya mavoko ya xona.

Ntirho 13:8

Xana mi ta languta nghohe ya xona? Kumbe mi rhandza ku tiveka vayimeri va Xikwembu xana?

Swivuriso 24:23

Lawa, ma ha ri marito ya lavo tlhariha. Ku languta vanhu hi nghohe eku avanyiseni, a swi saseki.

Ntirho 13:10

Hakunene xi ta mi kaneta, Loko mi tirha exihundleni xa n'wina, mi languta hi nghohe ya vanhu.

2 SAMIELE 14:20

Nandza wa wena Yowabu u endlise sweswo ku hundzuluxa mhaka; kambe hosi yanga yi ni vutlhari kukotisa vutlhari bya ntsumi ya Xikwembu ku tiva hinkwaswo swa la emisaveni.”

2 SAMIELE 14:17

Kambe nandza wa wena u te: ‘Rito ra hosi, n'wini wanga, a ri hi nyike ku wisa,’ hikuva hosi, n'wini wa mina, yi fana ni ntsumi ya Xikwembu ku yingisa leswo lulama ni lexo biha; kambe Yehovha Xikwembu xa wena, a a ve na wena!”

Duteronoma 16:19

U nga tshuki u voyamisa ku lulama; u nga tshuki u ya hi nghohe ya vanhu, kambe u nga tshuki u amukela tinyiko, hikuva nyiko yi phumerisa mahlo ya tintlhari, kambe yi onha timhaka ta lavo lulama.

Duteronoma 1:17

Mi nga tshuki mi avanyisa hi ku ya hi nghohe ya vanhu; mi ta yingisa lontsongo kukotisa lonkulu; mi nga tshuki mi chava vanhu, hikuva ku avanyisa ku huma eka Xikwembu; kutakuloko yin'wana mhaka yi mi tsandza, mi ta yi tisa emahlweni ka mina, ndzi ta yi yingisa.’

Ntirho 32:20

Ndzi rhandza ku vulavula, ndzi ta tiva ku hefemula, Ndzi ta ahlamisa nomu wa mina, ndzi hlamula,

Ntirho 32:22

Hikuva a ndzi tivi ku lwisa, Muvumbi wa mina a nga hatlisa ku ndzi susa.

Ntirho 33:3

Ndzi ta vulavula hi ku lulama ka mbilu yanga, Milomu ya mina yi ta vula miehleketo ya mina hi ntiyiso.

Pisalema 82:2

“Mi ta avanyisa hi ku xisa ku ya fika kwihi? Mi yimela lavo biha ku yisa kwihi?

Swivuriso 28:23

La tshinyaka vanhu, endzhaku u ta kuma tintswalo Ku tlula wa ririmi ra ku sasela van'wana.

Malakiya 2:9

Na mina, ndzi ta mi endla lava soriwaka, ni vabihi exikarhi ka matiko hinkwawo, hikuva a mi hlayisi tindlela ta mina, kambe mi avanyisa hi nghohe etimhakeni ta nawu.”