Ntirho 31:9 - Xitsonga (Bibele)

⁹ “Loko mbilu ya mina yi kanganyisiwe hi wansati, Kumbe ndzi tshama enyangweni ya loyi ndzi akeke na yena ku n'wi etlela,

BIBELE Mahungu Lamanene

⁹ “Loko ndzi lo tshuka ndzi yiviwa mbilu hi nsati wa un'wana, ni loko ndzi lo ya n'wi hlometela enyangweni ya muti wa ka vona,

Ntirho 31:9 Referans Kwoze

Eklesiasta 7:26

Kutani ndzi kuma leswaku wansati loyi mbilu ya yena yi fanaka ni rikoka, ni mitlhamu, loyi mavoko ya yena swi nga swiboho, u bava ku tlula rifu. La lulameke emahlweni ka Xikwembu, u ta n'wi chupukela, kambe mudyohi u ta phasiwa hi yena.

1 TIHOSI 11:4

Kuteloko Solomoni a dyuhele, vasati va yena va hambukisa mbilu ya yena yi landza swikwembu swin'wana; kutani mbilu ya yena yi nga ha ri hinkwayo eka Yehovha, Xikwembu xa yena, kukotisa mbilu ya Davhida, tata wa yena.

Vaavanyisi 16:5

Kutani tihosi ta Vafilista ti ta eka yena, ti ku: “N'wi yengetele, u ta tiva xana matimba ya yena lamakulu ma huma kwihi, ni laha hi nga ta tiva ku n'wi hlula hakona, hi ta n'wi boha, hi n'wi tsongahata; kutani un'wana ni un'wana wa hina, u ta ku nyika tixikele ta silivhere ta 1 100.”

Hosiya 7:4

I vaoswani hinkwavo; va kotisa xitiko lexi tshiveriwaka hi musweki, u tshika ku kondletela ndzilo, loko a sungula ku pfuva, mbila yi ko yi kukumuka.

Yeremiya 5:8

I timangwa leti xurheke, leti tsutsumelaka hinkwako, un'wana ni un'wana u rilela nsati wa nakulobye.

Swivuriso 22:14

Milomu ya vavasati va timbiri i rindzi le ri enteke, Lowo nyenyetsa eka Yehovha u ta wela kona.

Swivuriso 6:25

U nga tshiki mbilu ya wena yi navela vubombi bya yena, U nga kokiwi hi tinxiye ta yena.

Nehemiya 13:26

Solomoni, hosi ya Israele a nga dyohanga emhakeni leyi xana? Exikarhi ka matiko layo tala a ku nga ri na hosi leyi fanaka na yena, kambe a a rhandziwa hi Xikwembu xa yena, kutani Xikwembu a xi n'wi vekile hosi ya Vaisraele hinkwavo kambe, hambiswiritano, vasati va matiko va n'wi dyohisile na yena.

Swivuriso 7:21

A tingatinga hi marito yo tala, A n'wi hlula hi mano ya milomu ya yena.

Ntirho 31:1

“A ndzi endla xinakulobye ni mahlo ya mina, Leswaku ndzi nga tshuki ndzi languta wanhwana.

Levhitika 20:10

“Kungakuloko wanuna a oswana ni wansati la tekiweke, u oswana ni nsati wa warikwavo, wanuna ni wansati lava oswaneke va ta dlawa.

Duteronoma 5:21

“ ‘U nga tshuki u navela nsati wa warikwenu u nga tshuki u navela yindlu ya warikwenu, hambi yi ri nsimu ya yena, hambi a ri nandza wa yena wa wanuna kumbe wa wansati, hambi yi ri homu ya yena, kumbe mbhongolo ya yena, hambi xi ri xilo xin'wana xa warikwenu.’

Swivuriso 6:27

Xana munhu a nga okela makala exifuveni, Tinguvu ta yena ti nga tshwi-ke?