Ntirho 31:30 - Xitsonga (Bibele)

³⁰ Kasi a ndzi pfumelanga malaka ya mina ku hleva, Ni ku kombela vutomi bya yena eku rhukaneni.

BIBELE Mahungu Lamanene

³⁰ E-e! A ndzi dyohanga hi nomo wa mina, a ndzi vulanga ndzi ku: ‘A va fe!’

Ntirho 31:30 Referans Kwoze

1 Petro 3:9

Mi nga tlheriseli swo biha hi swo biha hambi ku ri ku rhukana hi ku rhukana, kambe mi katekisa, hikuva mi vitaneriwe swona, leswaku mi ta dya ndzhaka ya ku kateka.

Varhoma 12:14

Katekisani lava mi xanisaka; katekisani, mi nga tshuki mi rhukana.

Matewu 5:22

Kambe mina ndzi ri eka n'wina: Munhu hambi a ri mani na mani, la karihelaka makwavo ntsena u ta fanela ku avanyisiwa; la vulaka makwavo xihunguki, u fanele ku avanyisiwa hi nhlengeletano; la nge eka yena: ‘U ni rihuhu,’ u fanele hi ndzilo wa tihele.

Yakobo 3:6

Ririmi, na rona, i ndzilo, i tiko ra ku homboloka; ririmi ri vekiwile eswirhweni swa hina ri nyamisa miri hinkwawo, ri va ri tshivelela ndlela hinkwayo ya ku hanya ka munhu; kutani na rona ri kondleteriwile hi ndzilo wa tihele.

Matewu 12:36

Hikwalaho ndzi ri eka n'wina: Hi siku ra ku avanyisa, vanhu va ta hlamulela ku vulavula kun'wana ni kun'wana ka vuhava lebyi va byi vuleke;

Eklesiasta 5:6

U nga tshuki u tshiketa nomu wa wena wu yisa nyama ya wena exidyohweni, u nga tshuki u vula emahlweni ka ntsumi [ya Xikwembu] leswaku u hoxile ntsena. Hikuva Xikwembu a xi ta karihela yini rito ra wena, a xi ta onhela yini ntirho wa mavoko ya wena-ke?

Eklesiasta 5:2

U nga tshuki u hatlisisa nomu wa wena, mbilu ya wena yi nga tshuki yi hatlisa ku vulavula mhaka emahlweni ka Xikwembu, hikuva Xikwembu xi le matilweni kasi wena u la emisaveni; loko swi ri tano, marito ya wena ma nga tshuki ma tala.

Ntirho 5:3

Ndzi vonile xihunguki xi mirile rimitsu, Kutani hi nomu lowu, ndzi vona yindlu ya xona yi rhuketeriwa;

Pisalema 7:4

Loko ndzi rihele la nga hanya hi ku rhula na mina, swo biha, Loko ndzi phangile la ndzi vengeke ntsena,