Ntirho 31:3 - Xitsonga (Bibele)

³ Ku onhaka, a hi ka mudyohi xana? Ni makhombo a hi ya vatirhi va leswo homboloka xana?

BIBELE Mahungu Lamanene

³ Xana ku herisiwa a hi ka lavo homboloka xana? Makhombo, a hi ya lava endlaka leswo biha ke?

Ntirho 31:3 Referans Kwoze

Ntirho 21:30

Loko va ku: ‘Timbabva ta sirheleriwa hi siku ra ku onhaka, Hi siku ra vukari, ti vekiwa hitlhelo.’

Ntirho 34:22

A ku na munyama, a ku na mindzhuti ya rifu, Laha vadyohi va nga tumbelaka kona.

Yuda 1:7

Kukotisa Sodoma na Gomora, ni miti leyi ngi yi ri ekusuhi na kona, yi nga leyi tinyiketeke vuoswini ni ku landzela nyama yimbe, hi mukhuva wu ri wun'we na tona, miti leyi yi vekiwile ku va xikombiso, yi ri karhi yi avanyiseriwe ndzilo lowu nga heriki.

2 Petro 2:1

Na vona vafundhisi va mavunwa a va ri kona etikweni, kukotisa leswi vafundhisi va mavunwa va nga ta va kona exikarhi ka n'wina va nghenisa hitlhelo tidyondzo leti onhaka, kutani hi ku landzula Hosi leyi va kutsuleke, va ta tikokela ehenhla ka vona, ku lota loku nga hlweriki.

2 Vatesalonika 1:9

Valavo va ta biwa hi ku onhaka loku nga heriki, hi ku humelela eka Hosi, ni matimba layo kwetsima ya yona;

1 Vatesalonika 5:3

Hikuva siku va nga ta ku: “Ku rhurile, ku tsakiwile!” Hilaha ku onhaka loku nga languteriwangiki ku nga ta va wela ehenhla, kukota mbeleko loko yi humelela la tikeke, va nga ka va nga poni.

Varhoma 9:22

Kambe loko Xikwembu xi rhandzile ku kombisa vukari bya xona ni ku twarisa matimba ya xona, xi honisile hi mbilu leyo leha ngopfu timbita ta vukari leti lunghiseriweke ku lahleka,

Matewu 7:13

“Nghenani hi nyangwa le yo khuma, hikuva nyangwa ya ku lova yi ahlamile, ni ndlela leyi yaka kona yi anamile, kutani lava nghenaka kona va tele.

Esaya 28:21

Hikuva Yehovha u ta yima tanihi leswi a nga endla entshaveni ya Perasimi; u ta kariha tanihi leswi a swi endleke enkoveni wa Gibiyoni leswaku a tirha ntirho wa yena — ntirho lowu hlamarisaka — ni ku tirha swa yena swa mahlori.

Swivuriso 21:15

Swi tsakisa la lulameke, ku endla ku lulama Kambe i ku dlawa ka lavo homboloka.

Swivuriso 10:29

Ndlela ya Yehovha i khokholo eka la tengeke, Kambe eka lavo homboloka i ku lova ntsena.

Swivuriso 1:27

Siku ku chava ku mi humelelaka kukotisa xidzedze, Ni makhombo ma mi tsutsumela kukotisa xihuhuri; Kutani mahlomulo ni mbitsi ya mbilu swi mi wela ehenhla,

Pisalema 73:18

Kunene u va veka etindleleni to rhetemuka, U va wisa ehansi eku onhakeni.

Pisalema 55:23

Wena Xikwembu u ta va xikisa ekheleni ra ku lova; Vanhu lava va nga va ngati ni va ku xisa, Va nga ka va nga fiki exikarhi ka masiku ya vona; Kambe mina ndzi tshembile wena.

Tinhlayo 16:30

Kambe loko Yehovha a tumbulukisa xilo lexintshwa, ni loko misava yi ahlamisa nomu wa yona yi va mita ni swilo hinkwaswo swa vona, ni loko va ngirimela va ha hanya exivandleni xa vafi, mi ta tiva leswaku vanhu lava va sandzile Yehovha.”

Ntirho 18:12

Ndlala yi n'wi heta matimba; Ku onhaka ku n'wi khoma hi matsheve.

Ntirho 20:29

Hi kona ku averiwa ka mbabva loku humaka eka Xikwembu, Ni ndzhaka leyi yi vekeriweke yona hi Xikwembu.”

Ntirho 21:17

“Hi nkarhi wun'wana rivoni ra timbabva ri timeka, A va tali ku wela hi khombo, Xikwembu a xi andzise ku va avela vukari bya xona.

Ntirho 31:23

Hikuva ku rihisa ka Xikwembu ka ndzi chavisa, Ndzi tsandzeka ku yima emahlweni ka ku tlakuka ka xona.

Vaavanyisi 9:53

Kambe wansati a hoxa ribye ro sila enhlokweni ya Abimeleke a n'wi faya rhavarhava.

2 SAMIELE 18:10

Wanuna un'wana a n'wi vona, kutani a ya byela Yowabu, a ku: “Waswivo, ndzi vonile Abixalomu a hayekiwe enkuhlwini.”