Ntirho 31:27 - Xitsonga (Bibele)

²⁷ Loko mbilu yanga yi hluriwa exihundleni, Ni loko ndzi yisile voko enon'wini wa mina ku khensa;

BIBELE Mahungu Lamanene

²⁷ A ndzi lavanga ku swi tirhela hambi exihundleni, kumbe ku ntswontswa mavoko ndzi swi gandzela!

Ntirho 31:27 Referans Kwoze

Varhoma 1:28

Kutani leswi va nga ka va nga ringetanga ku tiva Xikwembu, Xikwembu xi va nyiketile emoyeni lowu solekaka va ta endla leswi nga fanelangiki.

Varhoma 1:21

Hikuva, hambi va tivile Xikwembu, a va xi dzunisanga leswaku i Xikwembu, naswona a va xi khensanga; kambe va hundzukile swahava emiehleketweni ya vona; ni timbilu ta vona leti pfumalaka vutlhari ti nyamisiwile.

Hosiya 13:2

Kambe ni sweswi, va ha tiyisela ku dyoha; hi silivhere ya vona va tiendlela swifaniso leswi chuluriweke, swi nga swifaniso swa swikwembu hilaha va tianakenyeleke hakona; hinkwaswo leswi, i mitirho ya vafuli. Hikwalaho ka swona va ku: Lava yisaka magandzelo a va ntswontswe marhole!

Esaya 44:20

A tixurhisa hi nkuma, mbilu ya yena leyi xisiweke yi n'wi kanganyisa. A nga ka a nga tshunxi moya wa yena, a ku: “Lexi ndzi xi khomeke evokweni ra mina, a hi vunwa xana?”

Pisalema 2:12

Ntswontswani n'wana, leswaku a nga ti kariha, Kutani mi lova etindleleni ta n'wina, Hikuva vukari bya yena bya hatlisa ku pfurha. Va katekile hinkwavo lava chavelaka ka yena!

1 TIHOSI 19:18

Kambe ndzi tihlayisele vanhu va 7 000 exikarhi ka va Israele va ri hinkwavo lava nga khinsamelangiki Baali, ni ku n'wi ntswontswa.”

Duteronoma 13:6

“Kungakuloko makwenu, a nga n'wana wa mana wa wena, kumbe n'wana wa wena wa wanuna, hambi wanhwana wa wena, hambi nsati wa mbilu ya wena, hambi nakuloni loyi u n'wi rhandzaka kukotisa mbilu ya wena, a ku kokela exihundleni, a ku: ‘A hi yeni hi ya tirhela swikwembu swin'wana,’ leswi wena ni vatata wa wena mi nga swi tivangiki,

Duteronoma 11:16

“Tilanguteleni leswaku timbilu ta n'wina ti nga tshuki ti ringiwa, kutani mi hambuka, mi ya tirhela swikwembu swin'wana, mi khinsama emahlweni ka swona;

Ntirho 31:26

Loko ndzi langutile dyambu loko ri kwetsima, Kumbe n'weti loko wu famba eku vonakaleni ka wona.

Ntirho 31:28

Na kona i ku dyoha loku fanelaka ku biwa hi muavanyisi. Hikuva ingi ndzi landzurile Xikwembu xa le henhla.

Duteronoma 4:19

Hlayisa moya wa wena, leswaku loko u ta tlakusela mahlo ya wena etilweni, u vona dyambu ni n'weti, ni tinyeleti, yi ri nyimpi hinkwayo ya matilo, u nga tshuki u navela ku khinsama emahlweni ka swona, u swi tirhela: Yehovha, Xikwembu xa wena, u nyikile swilo leswi eka matiko hinkwawo ehansi ka matilo hinkwawo, leswaku yi va ndzhaka ya vona.

Ezekiele 8:16

Kutani a ndzi yisa exivaveni xa le xikarhi ka yindlu ya Yehovha; kona ndzi vona enyangweni ya tempele ya Yehovha, exikarhi ka nyangwa ni alitari, vavanuna lava lavaka ku va 25 va yimile; mihlana ya vona yi langutene ni tempele ya Yehovha, kasi mimombo ya vona yi langutile evuxeni, a va gandzela dyambu tlhelo ra vuxa.