Ntirho 31:25 - Xitsonga (Bibele)

²⁵ Loko ndzi tsakele vukulu bya rifuwo ra mina. Ni leswo tala leswi ndzi hlengeleteke hi voko ra mina,

BIBELE Mahungu Lamanene

²⁵ Xana ndzi lo tikurisa hi rifuwo ra mina, ndzi tsakela hinkwaswo leswi ndzi nga tikumela swona xana?

Ntirho 31:25 Referans Kwoze

Pisalema 62:10

Mi nga tshuki mi tshemba mahlundzu; Mi nga tikuriseni hi ku vutla; Loko mi andzeriwe hi rifuwo, mi nga vekeni timbilu ta n'wina eka rona.

Luka 16:25

Kambe Abrahama a ku: ‘N'wananga, tsundzuka leswaku u kumile rifuwo evutomini bya wena; kasi Lazaro a a ri eku vavisekeni, kutani sweswi, wa chaveleriwa halenu, kasi wena u twisiwa ku vaviseka.

Luka 16:19

“Mufuwi a a ri kona la ambaleke nguvu ya xivunguvungu ni ya ntsembyana lowo saseka, la tshameke eku tsakeni hi masiku hinkwawo.

Luka 12:19

Kutani ndzi ta ku eka moya wa mina: Moya wanga, u ni swilo leswo tala leswi hlengeleteriweke malembe layo tala; wisa, u dya, u nwa, u tsaka.’

Habakuku 1:16

hikwalaho u humesela nkukuto wa yena magandzelo, u hisela rikoka ra yena mirhi ya risuna, hikwalaho ka swona ku averiwa ka yena hi loku noneke, ni swakudya swa yena leswi xawulaka.

Hosiya 12:8

Efrayimi i Mukanana (muxavisi); evokweni ra yena u tamele xikalo xa ku xisa, u rhandza ku kanganyisa.

Daniele 4:30

Kutani hosi yi vulavula, yi ku: “Xana a hi yena Babilona lonkulu, loyi ndzi n'wi akeke hi matimba ya mina lamakulu leswaku byi endla vuako bya hosi, a va a dzunisa vukulukumba bya mina xana?”

Ezekiele 28:5

Hi vukulu bya vutlhari bya wena, ni mabindzu ya wena, u andzise rifuwo ra wena, kutani mbilu ya wena yi titlakusile hi rifuwo ra wena.

Yeremiya 9:23

Yehovha u vurisile, a ku: “La nga ni vutlhari a nga tshuki a tidzunisa hi vutlhari bya yena, la nga ni matimba a nga tidzunisi hi matimba ya yena; na yena mufuwi a nga tidzunisi hi rifuwo ra yena;

Swivuriso 23:5

U swi langutela yini leswi hundzaka? Rifuwo ri ta mila timpapa, Ri haha ehenhla kukotisa gama.

Estere 5:11

Hamani a va byela ku kateka ka rifuwo ra yena, ni ku tala ka vana va yena, ni hinkwaswo leswi hosi yi n'wi tlakuseke ha swona, ni laha a n'wi kuriseke ku n'wi veka lonkulu wa tihosana ni wa malandza ya hosi.

Ntirho 1:3

Swifuwo swa yena a ti ri tinyimpfu ta 7 000, ni tikamela ta 3 000, ni tihomu leti ringanaka majoko ya 500, ni timbhongolo ta matswele ta 500, ni malandza layo tala; munhu yeloyi a a tlula vavanuna hinkwavo va le vuxeni hi vukulu.

Ntirho 1:10

Xana a hi leswi u n'wi sivelelaka yena, ni yindlu ya yena, ni swilo hinkwaswo swa yena-ke? A ku andzisanga mitirho ya mavoko ya yena, ni ku andzisa mitlhambi ya yena emisaveni xana?

Ntirho 22:24

U cukumeta nsuku entshurini, Ni nsuku wa Ofiri emaribyeni ya milambyana;

Esaya 39:2

Hezekiya a tsaka hakona, kutani a kombisa tintsumi vuhlayiselo bya xuma xa yena, wu ri nsuku ni silivhere, ni mirhi ya risuna, ni mafurha yo saseka, ni matlhari ya yena hinkwawo, ni hinkwaswo leswi ngi swi ri exumeni xa yena. A ku salanga nchumu wa leswi Hezekiya a va kombiseke endlwini ya yena ni le ku fumeni hinkwako ka yena.

1 SAMIELE 10:7

Kutakuloko swikombiso leswi swi ku humelela, u ta endla leswi nga ta va emahlweni ka wena, hikuva Xikwembu xi na wena.