Ntirho 31:24 - Xitsonga (Bibele)

²⁴ “Loko ndzi endlile nsuku ku tshemba ka mina, Ndzi ku eka nsuku lowunene: Ku dzuna ka mina ku le ka wena.

BIBELE Mahungu Lamanene

²⁴ “Xana ndzi tshembile nsuku ku tlula mpimo, ndzi wu vula khokholo ra mina ke?

Ntirho 31:24 Referans Kwoze

Swivuriso 11:28

La tshembaka rifuwo ra yena u ta wa, Kambe lavo lulama va ta kula kukotisa matluka ya mirhi.

Pisalema 52:7

“Hi loyi munhu la nga titekelangiki Xikwembu ku va khokholo ra yena, Loyi a tshembiseke rifuwo ra yena lerikulu, Loyi a titiyisaka hi vumbabva bya yena!”

1 Timotiya 6:17

Byela vafuwi va nkarhi wa sweswi, leswaku va nga tshuki va tidzunisa, va nga tshuki va tshemba rifuwo leri nga tiyangiki, kambe va tshemba Xikwembu lexi hi nyikaka hinkwaswo hi ku rhandza ka xona, leswaku hi swi tsakela,

1 Timotiya 6:10

Hikuva rirhandzu ra rifuwo i rimitsu ra vudyoho hinkwabyo; van'wana, hi ku ri navela, va lahlekeriwe hi ku pfumela, kutani va titlhavile hi mahlomulo layo tala.

Swivuriso 30:9

Kumbexana loko ndzi xurhile ndzi nga ku landzula, Ndzi ku: “Yehovha i mani?” Kumbe xana, loko ndzi ri xisiwana, ndzi yiva, Ndzi tlanga hi vito ra Xikwembu xa mina.

Swivuriso 10:15

Vukosi bya mufuwi i khokholo ra yena, Kambe vusiwana bya xisiwana i ku lova ka xona.

Pisalema 62:10

Mi nga tshuki mi tshemba mahlundzu; Mi nga tikuriseni hi ku vutla; Loko mi andzeriwe hi rifuwo, mi nga vekeni timbilu ta n'wina eka rona.

Pisalema 49:17

Hikuva siku a nga ta fa, a nga ka a nga teki nchumu wa swona, Ku kwetsima ka yena ku nga ka ku nga xikeli endzhaku ka yena.

Vakolosa 3:5

Dlayani hakona swirho swa n'wina swa la emisaveni, hileswaku vuoswi, ni vumbhisa, ni ku tiyingisa ka tingana, ni ku navela leswo biha, ni ku navela rifuwo loku ku nga ku tirhela swikwembu swahava;

Luka 12:15

Kutani a ku eka vona: “Tivoneleni, mi chava timbilu ta makwanga, hikuva vutomi bya munhu byi nga ka byi nga humi eswilweni leswi a swi fuweke, hambi swi n'wi andzele ngopfu.”

Genesa 31:1

Yakobo a twa marito ya vana va Labani loko va ku: “Yakobo u tekile swilo swa tatana hinkwaswo, kutani rifuwo ra tatana, u tiendlele ha rona ku fuwa loku, hinkwako.”

Marka 10:23

Kutani Yesu a rhalarhala, a ku eka vadyondzisiwa va yena: “Swi nonon'hwa ngopfu eka lava nga ni rifuwo ku nghena eku fumeni ka Xikwembu.”

Ntirho 22:24

U cukumeta nsuku entshurini, Ni nsuku wa Ofiri emaribyeni ya milambyana;

Yeremiya 9:23

Yehovha u vurisile, a ku: “La nga ni vutlhari a nga tshuki a tidzunisa hi vutlhari bya yena, la nga ni matimba a nga tidzunisi hi matimba ya yena; na yena mufuwi a nga tidzunisi hi rifuwo ra yena;

Ezekiele 28:5

Hi vukulu bya vutlhari bya wena, ni mabindzu ya wena, u andzise rifuwo ra wena, kutani mbilu ya wena yi titlakusile hi rifuwo ra wena.