Ntirho 31:17 - Xitsonga (Bibele)

¹⁷ Loko ndzi dyile vuswa bya mina ndzi ri swanga, Ndzi nga phemelangi xisiwana?

BIBELE Mahungu Lamanene

¹⁷ Xana ndzi lo dya ndzi ri ndzexe, ndzi tsona vana vo pfumala vatswari ke?

Ntirho 31:17 Referans Kwoze

1 Yohane 3:17

Kambe kungakuloko munhu a ri ni swilo swa vutomi bya misava, kutani a vona makwavo a pfumala, kutani a n'wi pfalela mbilu ya yena, rirhandzu ra Xikwembu ri nga tshamisisa ku yini eka yena?

Yakobo 1:27

Vukhongeri lebyi tengeke, lebyi nga riki na xisandzu emahlweni ka Xikwembu, Tata wa hina, hi loko munhu a kamba swisiwana ni vavasati va tinoni emahlomulweni ya vona a va a tihlayisa, a nga ri na xivati xa misava.

Varhoma 12:13

Pambulelani vakwetsimi loko va pfumala, mi va ni ku gingirika ku amukela vaendzi.

Timhaka 4:32

Kambe vunyingi bya lava pfumeleke a yi ri mbilu yin'we ni moya wun'we ntsena; kutani a ku nga ri na munhu la nga vula leswaku swilo leswi a nga na swona, i swa yena swakwe kambe swilo hinkwaswo a va ku i swa vona hinkwavo.

Yohane 13:29

Hikuva van'wana a va anakanya leswaku leswi Yudasi a nga yena mutameri wa nkwama wa mali, kumbe Yesu a a n'wi byela ku xavela nkhuvo leswi va swi pfumalaka, hambi ku ri ku nyika xisiwana leswo karhi.

Luka 11:41

Kambe nyikani swisiwana leswi nga endzeni ka swona, hi kona swilo hinkwaswo swi nga ta va swi basile eka n'wina.

Ezekiele 18:16

a nga amukeri mali ya ku tiyisa xitshembiso, a nga yivi, kambe a nyika vuswa bya yena eka la nga ni ndlala, a funengeta la nga ni vusweti, loko a fularhela ku homboloka,

Ezekiele 18:7

munhu la nga xanisiki van'wana, la tlheriselaka munhu xitshembiso xa yena, la nga yiviki; loko a nyika vuswa bya yena eka loyi a nga ni ndlala, loko a funengeta la nga ni vusweti,

Ntirho 22:7

A ku nyikanga munhu wa torha mati, U alele la nga ni ndlala vuswa bya wena.

Nehemiya 8:10

Va engeta va ku eka vona: “Fambani mi dya tinyama leti noneke, mi nwa leswo nandziha, mi rhumela lava nga lunghiseriwangiki nchumu swakudya, hikuva siku leri hi leri hlawuleriweke hosi ya hina; mi nga hlunami, hikuva ku tsaka ka Yehovha i matimba ya n'wina.”

Duteronoma 15:14

U ta n'wi nyika xilo xin'wana xa swifuwo leswitsongo swa wena, ni swa xivuya xa wena, ni swa xikhuvuto xa wena, u n'wi nyika, u pambula eka leswi Yehovha, Xikwembu xa wena, a ku katekiseke ha swona;

Duteronoma 15:11

Hikuva mupfumari a nga ka a nga tshiki ku va kona etikweni; hikwalaho ndzi ku nyikaka nawu lowo namuntlha, ndzi ku: ‘U ta pfulela makwenu ni xisiwana, ni mupfumari la nga etikweni ra wena voko ra wena.’

Ntirho 31:18

Kasi loko ndza ha ri lo ntshwa, swi kurile ka mina, Ndzi va ka swona kukotisa tatana. Ndzi fambisile nsati wa noni mpfhuka ndzi huma ekhwirini ra manana.

Ntirho 31:21

Loko voko ra mina ri tshama ri phakata xisiwana, Hikuva ingi ndzi kume ku yimeriwa ehubyeni;

Estere 2:7

A a ri karhi a wundla Hadasa, la nga Estere, n'wana hahani wa yena, a nga ri na tata wa yena ni mana wa yena; nhwanyana yeloyi a a sasekile, a languteka; siku ku faka tata wa yena ni mana wa yena, Mordekayi u n'wi hlayisile, a n'wi endla n'wana wa yena.