Ntirho 30:15 - Xitsonga (Bibele)

¹⁵ Ku chavisa hinkwako ku ndzi kumile, Ku hlongola xidzumo xa mina kukotisa mheho, Ku kateka ka mina ku hundzile kukota papa.

BIBELE Mahungu Lamanene

¹⁵ Ndzi wele hi makhombo layo chavisa, ku chaviseka ka mina ku hahile ni moya, ntsako wa mina wu dzudzekile kukotisa mberha.

Ntirho 30:15 Referans Kwoze

Hosiya 13:3

Hikwalaho, va ta kotisa hunguva ya mixo, ni mberha leyi sukaka hi ku hatlisa, va fana ni mungu lowu hahisiwaka exivuyeni, ni musi loko wu huma echimeleni.

Esaya 44:22

Ndzi hlangurile milandzu ya wena tanihi papa, ni swidyoho swa wena tanihi hunguva; vuyela eka mina, hikuva ndzi ku kutsurile!”

Ntirho 6:4

Miseve ya lowa matimba yi ndzi tlhavile, Mbilu ya mina yi nwile vuxungu bya yona; Michavo ya Xikwembu yi sisimukile ku ndzi lwisa.

Hosiya 6:4

Ndzi ta ku endla yini, Efrayimi? Ndzi ta ku endla yini, Yuda? Hikuva rirhandzu ra n'wina ri tanihi hunguva ya vuxa, ni mberha leyi sukaka hi ku hatlisa.

Pisalema 88:15

Mpfhuka ndzi nga tswariwa ndzi le vusiwaneni ni le kusuhi ni ku fa. Ndzi tshukisiwa hi michavo ya wena ndzi le ku karhatekeni.

Ntirho 31:23

Hikuva ku rihisa ka Xikwembu ka ndzi chavisa, Ndzi tsandzeka ku yima emahlweni ka ku tlakuka ka xona.

Ntirho 10:16

Loko ndzi nga yimisa nhloko, u ta ndzi tsutsumela kukotisa nghala, U engetela mahlori ya wena ehenhla ka mina.

Ntirho 7:14

Kava laha u ndzi khindlimusaka hi milorho, U ndzi rhurhumerisa hi mahlori.

Ntirho 7:9

Mapapa ma hangalakile, ma mukile; Hi sweswo, ni loyi a rhelelaka exivandleni xa vafi, a nga na ku tlhela kona.

Ntirho 3:25

Hikuva ku chavisa loku ndzi ku chavaka ku ndzi tele, Leswi ndzi swi tshukaka hi leswi ndzi humelelaka.

Ntirho 30:14

Va ndzi tela kukotisa loko ngi va nghena hi xipfhanyo lexi anameke, Va tihoxa exikarhi ka marhumbi.

Pisalema 55:3

Hikwalaho ka rito ra nala ni ku xanisa ka lowo biha; Hikuva va ndzi vangela khombo, va ndzi hlongorisa hi ku leva.

Pisalema 88:16

Vukari bya wena byi ndzi wele ehenhla, Ku chavisa ka wena ku ndzi tsema nhlana;