Ntirho 3:20 - Xitsonga (Bibele)

²⁰ “Lowa khombo u nyikiwa ku vonakala ha yini-ke? Ni vutomi byi nyikiwa lava nga ni mbitsi etimbilwini ha yini-ke?

BIBELE Mahungu Lamanene

²⁰ Hikwalaho ka yini Xikwembu xi komba muxaniseki emisava ke? La karhatekaka emoyeni, xi n'wi hanyisela yini xana?

Ntirho 3:20 Referans Kwoze

Yeremiya 20:18

A ndzi humela yini ekhwirini, leswaku ndzi ta vona ku karhala ni ku vaviseka, ni leswaku masiku ya mina ma hela hi tingana xana?

Swivuriso 31:6

Nyikani byalwa eka munhu loyi a faka, Ni vhinyo eka munhu wa mbilu ya nhlomulo,

1 SAMIELE 1:10

kambe Hana a a ri ni gome emoyeni wa yena, kutani a khongela Yehovha, a rila ngopfu, a ku:

Ntirho 33:30

Ku tlherisa moya wa yena, wu nga ngheni esirheni, Leswaku a voningiwa hi ku vonakala ka vutomi.

Ntirho 6:9

Loko Xikwembu xi nga pfumela ku ndzi pfurhakanya, Xi tshambuluta voko ra xona leswaku xi ndzi heta;

Ntirho 3:16

Kumbe a ndzi ta fana ni mhondlwana leyi yimberiweke, Ndzi kotisa vana lava nga vonangiki ku vonakala.

2 TIHOSI 4:27

Yena a ku: “Va hanya!” Kutani a ta eka munhu wa Xikwembu entshaveni, a khoma milenge ya yena. Gehazi a tshinelela ku n'wi tlherisa, kambe munhu wa Xikwembu a ku eka yena: “N'wi tshike, hikuva moya wa yena wu tele mbitsi, kambe Yehovha u ndzi fihlele swona, a nga ndzi tivisanga.”

Ntirho 33:28

Xikwembu xi kutsurile moya wa mina leswaku ndzi nga xikeli esirheni, Kutani vutomi bya mina byi tsakela ku vonakala.’

Ntirho 3:19

Lavatsongo ni lavakulukumba va hlangana kona, Ni nandza u tshunxekile eka n'wini wa yena.