Ntirho 28:18 - Xitsonga (Bibele)

¹⁸ Korale ni kristala swi nga ka swi nga vuriwi eka byona: Kutani vutlhari byi tlula ngopfu tiperela;

BIBELE Mahungu Lamanene

¹⁸ a ha ha vuli tinkatla kumbe swibya swa “Kristala”! Xinkwamana xa vutlhari xi ni risima ku tlula vuhlalu lebyi sasekeke.

Ntirho 28:18 Referans Kwoze

Swivuriso 3:15

Byi tlula tiperela hi risima, Hinkwaswo leswi navetaka a swi byi ringani.

Ezekiele 27:16

Vasiriya a va bindzula na wena ku xava mitirho ya wena leyinyingi, va tisa maribye layo saseka eswitolweni swa wena, ni xivunguvungu, ni tinguvu ta vubombi, ni ntsembyana, ni korale, ni rubi.

Swirilo 4:7

Vafumi va kona a va tengile ku fana ni gamboko, Va basile kukota ntswamba; Mimiri ya vona a yi tshwukile ku hundzisa korale, Tinghohe ta vona a ti fana ni ribye ra safiri.

Swivuriso 31:10

Wansati wa matimba, i mani la nga ta n'wi kuma? U tlula kule nxavo wa risima wa tidayimani.

Nhlavutelo 21:21

Tinyangwa ta khume na timbirhi a ti ri tiperela ta khume na timbirhi; nyangwa yin'wana ni yin'wana yi ri perela yin'we. Huvo ya muti a wu ri nsuku lowo saseka, lowu fanaka ni nghilazi leyi vonikelaka.

Nhlavutelo 18:12

mitirho ya nsuku, ni ya ntsopfu, ni ya maribye lama pfumalekaka, ni ya tiperela ni ya ntsembyana lowo saseka, ni ya xivunguvungu, ni ya silika, ni ya scarlet, ni mirhi hinkwayo leyi nun'hwelaka, ni ya swibya swa tinxakaxaka, leswi endliweke hi timhondzo ta tindlopfu, ni swibya hinkwaswo swa mirhi leya nkoka, ni swa koporo, ni swa nhumbu, ni swa mabulu,

Nhlavutelo 17:4

Wansati a a ambele xivunguvungu ni leswo tshwuka; a bombile hi nsuku, ni maribye ya nxavo wa nkoka ni tiperela; a tamele evokweni ra yena xinwelo xa nsuku lexi teleke manyala, ni thyaka ra vuoswi bya misava.

1 Timotiya 2:9

Hi sweswo na vona vavasati, a va ambale tinguvu leti fanekelaka, va tisasekisa hi xichavo, ni ku rhula; ku nga ri hi misisi leyi horhiweke ngopfu, ni nsuku, hambi byi ri vuhlalu, ni tinguvu ta vubombi,

Matewu 7:6

“Mi nga tshuki mi hoxela timbyana swilo leswi hlawuriweke, na kona mi nga tshuki mi cukumeta tidayimani ta n'wina emahlweni ka tinguluve, swi nga ri leswaku ti nga ti kandziyela hi milenge, ti hundzukela eka n'wina, ti mi kawutlula hi meno.

Swivuriso 8:11

Hikuva vutlhari byi tlula tiperela, Hinkwaswo leswi tsakisaka swi nga ka swi nga xaxameri na byona.

Swivuriso 3:13

Ku katekile munhu loyi a kumaka ku twisisa, Ni loyi a kumaka vutlhari!

Swivuriso 20:15

Nsuku wu kona, ni tidayimani leto tala, Kambe xa risima lerikulu i milomu leyi dyondzeke.