Ntirho 27:22 - Xitsonga (Bibele)

²² Hikuva Xikwembu xi n'wi copa hi miseve xi nga n'wi tsetseleli, A rhandza ku phonyomuka evokweni ra xona.

BIBELE Mahungu Lamanene

²² Xihuhuri xi va ba xi nga tsetseleli, va balekela ntamu wa xona va tsutsuma;

Ntirho 27:22 Referans Kwoze

Varhoma 8:32

Xona lexi nga tsetselelangiki N'wana wa xona wa xiviri, kambe xi n'wi tshikele hina hinkwerhu, xana xi nga ka xi nga hi nyiki ha yini swilo hinkwaswo na yena xana?

Amosi 2:14

Wa matsamba, u ta tsandzeka ku tsutsuma, wa matimba a nga ka a nga tiyisi hi matimba ya yena; ni xihontlovila, xi nga ka xi nga hlayisi vutomi bya xona.

Ezekiele 24:14

Mina, Yehovha, ndzi vulavurile; timhaka leto ta ta, mina ndzi ta ti endla; ndzi nga ka ndzi nga landzuri nandzu, ni loko ku ri ku ponisa, kutani ndzi nga ka ndzi nga tlheri. U ta avanyisiwa hi tindlela ta wena ni swiendlo swa wena ku vula Hosi Yehovha.”

Ezekiele 5:11

Hikwalaho ndza hanya, ku vula Hosi Yehovha, hikuva u nyamisile yindlu ya mina hi swilo hinkwaswo swo biha swa wena, ni manyala hinkwawo ya wena, na mina ndzi ta ku onha, tihlo ra mina ri ta leva, ndzi nga ka ndzi nga ku tweli vusiwana.

Yeremiya 13:14

Kambe ndzi ta va faya un'wana ni un'wana ni warikwavo, vatatana swin'we ni vana,’ ku vula Yehovha. ‘Ndzi nga ka ndzi nga vi na musa, ni loko ku ri ku tsetselela, hambi ku ri ku va twela vusiwana, leswaku ndzi nga va lovisi.’ ”

Esaya 10:3

Mi ta endla yini hi siku ra ku kambiwa ni loko ku lova loku humaka ekule ku ta mi wela ehenhla? Mi ta tsutsumela eka mani ku pfuniwa? Mi ta veka kwihi xuma xa n'wina xana?

Ntirho 20:24

Hambi a nga balekela matlhari ya nhumbu, Vurha bya koporo byi ta n'wi tlhava,

Ntirho 11:20

Kambe mahlo ya timbabva ma ta herisiwa; Va ta pfumala vuchavelo, Ku langutela ka vona ri ta va rifu ntsena.”

Yoxuwa 10:11

Kutani, kuteloko va ha balekele Israele eku rheleleni ka Bet-Horoni, Yehovha a va nisela hi le tilweni maribye lamakulu ku fika eAzeka, kutani va fa, lava dlayiweke hi maribye lawa ya xihangu a va tlula lava vana va Israele va va dlayeke hi tlhari.

Duteronoma 32:23

“ ‘Ndzi ta va andzisela makhombo. Ndzi heta miseve ya mina ehenhla ka vona.

Duteronoma 29:20

Yehovha a nga ka a nga pfumeli ku n'wi rivalela, hikuva vukari bya Yehovha, ni rilondzo ra yena swi ta pfurhela munhu loyi; kutani makhombo hinkwawo lama tsariweke ebukwini leyi ma ta tshama ehenhla ka yena, kutani Yehovha u ta hlangula vito ra yena ehansi ka matilo.

Eksoda 9:14

Hikuva sweswi ndzi ta rhumela embilwini ya wena makhombo hinkwawo, ni le henhla ka malandza ya wena, ni le tikweni ra wena, u ta tiva leswaku a ku na un'wana la fanaka na mina emisaveni hinkwayo.

Ntirho 10:7

Kasi wa swi tiva leswaku a ndzi na nandzu, Ni leswaku a ku na munhu la nga ndzi lamulelaka evokweni ra wena.

Yonasi 1:10

Kavaloko vavanuna volavo va khomiwa hi ku chava lokukulu, kutani va ku eka yena: “U endlele yini sweswo?” Kasi vavanuna volavo a va tiva leswaku a a balekile emahlweni ka Yehovha, hikuva a a va byerile.

1 SAMIELE 25:29

Loko munhu a pfuka ku ku landzela ni ku lava vutomi bya wena, vutomi bya hosi yanga byi ta hlayiseka eka Yehovha, Xikwembu xa wena, enyandzeni ya vahanyi; loko byi ri vutomi bya valala va wena, u ta byi cukumeta ekule hi xipelupelu.

Pisalema 11:6

U ta nisela lavo homboloka mitlhamu, ni ndzilo ni xivavula; Mheho leyi hisaka, i xinwelo lexi va xi averiweke.