Ntirho 27:21 - Xitsonga (Bibele)

²¹ Moya wa le vuxeni wa n'wi susa, a famba; Wa n'wi vutla hi matimba endhawini ya yena.

BIBELE Mahungu Lamanene

²¹ Moya wa le vuxeni wu va tlakula va nga ha vonaki, wu va hahisa va suka etindhawini ta vona.

Ntirho 27:21 Referans Kwoze

Pisalema 11:6

U ta nisela lavo homboloka mitlhamu, ni ndzilo ni xivavula; Mheho leyi hisaka, i xinwelo lexi va xi averiweke.

Pisalema 83:15

U va hlongorisa hi xidzedze xa wena, U va rhurhumerisa hi mheho leyi chavisaka ya wena!

Pisalema 58:9

Loko timbita ta n'wina ti nga si twa swigatlu, Leswa rihlaza kumbe leswa ku pfurha swi ta vutliwa hi xihuhuri.

Ntirho 21:18

Va kota byanyi lebyi hungiwaka hi mheho, Kumbe mungu lowu vutliwaka hi xihuhuri.

Ntirho 7:10

A nga ha vuyeli endlwini ya yena, Vuako bya yena a byi nga n'wi tivi.

Matewu 7:27

Kutani mpfula yi na, maboboma ma ta, ni mheho yi hunga, yi ba yindlu yoleyo, kutani yi wa; ku wa ka yona ku va lokukulu.”

Hosiya 13:15

Ni loko Efrayimi a veka mihandzu exikarhi ka vamakwavo, moya wa vuxa wu hunga, mheho ya Yehovha yi pfa emananga: ku ta phya xihlovo xa yena, miseledyana ya yena yi ta oma. Ku ta phangiwa xuma xa mitirho hinkwayo ya yena leyi pfumariwaka.

Yeremiya 18:17

Kukotisa moya wa vuxa, ndzi ta va hangalasa emahlweni ka valala; ndzi va languta hi xikosi, ku nga ri hi mombo, hi siku ra ku onhaka ka vona.” ’ ”

Ntirho 18:18

U ta hlongoriwa eku vonakaleni, a ya emunyameni, A susiwa emisaveni leyi akiweke.

Ntirho 20:8

U ta hela kukota norho, a nga ka a nga kumiwi, U ta tlhaka kukota mahlori ya vusiku.

Ntirho 30:22

U ndzi tlakula hi mheho, u ndzi fambisa ekule, U ndzi herisa hi mpfumawulo wa xihuhuri.

Pisalema 102:10

Hikwalaho ka ku hlundzuka ni ku kariha ka wena; Kunene u ndzi tlakurile u ndzi wisela ehansi.