Ntirho 26:6 - Xitsonga (Bibele)

⁶ Ndhawu ya vafi yi fununguriwe emahlweni ka xona, Swidziva a swi sirheriwi,

BIBELE Mahungu Lamanene

⁶ hikuva emahlweni ka Xikwembu, xivandla xa vafi xi tshama xi pfulekile, ku hava xo sirhelela khele ra lava loveke.

Ntirho 26:6 Referans Kwoze

Swivuriso 15:11

Xivandla xa vafi ni xidziva swi le mahlweni ka Yehovha; Ngopfungopfu timbilu ta vana va vanhu!

Pisalema 139:8

Loko ndzi tlhandlukela ematilweni, u kona; Ni loko ndzi ya etlela exivandleni xa vafi, ni kwalaho u kona.

Amosi 9:2

Hambi va nga boxa xivandla xa vafi va chavela kona, na kona voko ra mina ri ta va humesa; ni loko va nga tlhandlukela etilweni ndzi ta va xikisa kona.

Ntirho 28:22

Khele ni rifu swi te: ‘Hi twile mpfumawulo wa byona hi tindleve.’

Vaheveru 4:13

Kutani a ku na xivumbiwa lexi nga vonakiki emahlweni ka xona, kambe hinkwaswo swi tshama ntsena swi ri erivaleni emahlweni ka loyi hi nga ni mhaka na yena.

Esaya 14:9

“Ni le hansi, xivandla xa vafi xi ni nkitsikitsi wa ku hlangana na wena: xi ku pfuxela vafi, ni tihosi hinkwato ta misava; xi pfuxile eswiluvelweni swa tona tihosi hinkwato ta matiko.

Pisalema 139:11

Loko ndzi ku: “A ndzi fihliwe hi munyama — Vusiku byi ta xa emahlweni ka mina.”

Pisalema 88:10

Xana u endlela vafi masingita? Vafi va pfuka va ku dzunisa xana?

Ntirho 41:11

I mani loyi ndzi nga ni nandzu ka yena, ndzi ta n'wi rihela, Ehansi ka tilo, hinkwaswo i swa mina!

Ntirho 11:8

I ku tlakuka loku kotaka ka le tilweni, u ta endla yini? Ku entile ku tlula xivandla xa vafi, u ta tiva yini?

Nhlavutelo 9:11

A ti fumiwa hi hosi, yi nga ntsumi ya khele; vito ra yona hi Xiheveru, i Abadoni; hi Xigriki, i Apoliyoni.

Ntirho 3:13

Hikuva sweswi, ingi ndzi te nhavalala, ndzi timiyelele; Ingi ndzi etlele, ndzi wisa na mina,

Ntirho 9:5

U tshineta tintshava, ti nga swi tivi Leswaku u ti phyandlasa hi vukari bya xona.

Ntirho 31:12

Kunene i ndzilo lowu hisaka ku fika etiheleni, A wu faneli ku heta rifuwo ra mina hinkwaro.

Ntirho 38:17

Xana tinyangwa ta rifu ti tikombisile eka wena-ke? Xana u vonile tinyangwa ta ndzhuti wa rifu?

Swivuriso 27:20

Xivandla xa vafi ni tihele a swi xurhi, Mahlo ya munhu, na wona, a ma xurhi.

Daniele 2:22

Hi xona lexi hlavutelaka leswi enteke ni swihundla; xi tivisisa leswi nga emunyameni; ku vonakala ku akile eka xona.